1 Pedro 1:17 - Biblia Guarani Tumpa Iñee

¹⁷ Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.

Nuevo Testamento Guaraní Pe

¹⁷ Jare pemaendúa quirai peyerure ñandeRu pe yave, peyerure pei mbaeti oaɨu metei vaeño iru vae güi vae pe. Jae oporojaata opaete vae oyapo vae rupi. Jae rambue cuae ɨvɨ pe peico rambueve, pequɨye chugüi.

1 Pedro 1:17 ပူးပေါင်းရင်းမြစ်များ

GÉNESIS 47:9

Jacob jei chupe: —Anoi ma ciento treinta año oipota rupi aguata vae, mbovɨ yae jare mbaetɨ ikavi ara reta cherekove pe, jare ndeiño aupitɨ cheñemuñagüe reta yogüɨreko rami.

1 CRÓNICAS 29:15

Echa nderóvai ore reta ko ketɨgua oasa ojo oiko vae ramiño, oreñemuñagüe reta rami, jare orerekove ɨvɨ iárambo metei küaraɨa michi peguaño vae rami ko.

2 CRÓNICAS 19:7

Jayave peipoɨu yandeYa güi, pemae kavi peyapo vae re, echa yandeYa Tumpa jupi vae ko, mbaetɨ oporoparavo ani mbaetɨ vi oipɨɨ vɨari korepoti ani mbae.”

JOB 34:19

Jae mbaetɨ oñeñono mburuvicha reta ndive, mbaetɨ vi omborɨ oikokatu vae reta paravete vae reta güi, echa jae jembiapo ko opareve.

SALMOS 39:12

CheYa Tumpa, eendu cheyerure, ¡eyeapɨsaka asapúkai ndeve vae re! ¡Agüɨye emaeiño tayaeo! Echa che, oguataiño vae rami ko ndeve, oguataiño vae cheñemuñagüe reta rami.

SALMOS 89:26

Jae jeita cheve: ‘Nde jae cheRu, cheTumpa, jare ita guasu rami chereepɨ vae.’

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 28:14

Oyerovia ko Tumpa güiño oipoɨu avei vae, ërei ipɨa omotäta vae, oata ikavimbae pe.

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

SOFONÍAS 3:9

Jókuae ara, che ameeta opaete vae pe iñee kavi vaerä, jökorai opaete vae chereenɨi vaerä jare oyeokuai vaerä cheve ipɨa-kɨ̈reɨ ngatu reve.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

Romanos 11:20

Añete ko. Mbaetɨ oporogüɨrovia reta ramo ko, oyeekɨuka. Ërei nde reï joko pe, rerovia jeko, jáeramo agüɨye peyembotuicha. Peipoɨuño.

2 Corintios 1:2

YandeRu Tumpa jare yandeYa Jesucristo toï peve ipɨakavi jare ipɨakatu.

2 Corintios 5:6

Jáeramo jekuaeño yayerovia, echa yaikuaa kuae ɨvɨ pe yaiko ramboeve, ndeiño ñaï yandeYa ndive.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

2 Corintios 7:11

Echa jókuae pepɨatɨtɨ Tumpa jemimbota rupi vae, ¡güeru kɨ̈reɨ ngatu peve, peikuaauka cheve mbaetɨ ko penoi teko vae, pearasɨ mbaeyoa kotɨ, jare peipoɨu vi, cheraɨu yae, perägüɨro jare peiporarauka ikavimbae vae oyapo vae pe! Opaete jókuae rupi peikuaauka mbaetɨ etei teko penoi kuae oyeapo vae re.

Gálatas 2:6

Ërei jókuae tenondegua reta mbaetɨ etei omombeu mbae ipɨau vae cheve (mbaetɨ mbae cheve tenonde güive ma yogüɨreko reta vae, echa Tumpa mbaetɨ ko oporomboyoavɨ).

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Efesios 3:14

Kuae jeko pegua, che ayetavatɨka yandeYa Jesucristo Tu jóvai.

Efesios 6:9

Jare pe mbaravɨkɨ iya reta peyapo jupi vae perembiokuai reta pe, agüɨye “ronupata” pere chupe reta. Echa peikuaa jae reta iYa jare peYa ara pe oï vae, mbaetɨ ko oporomboyoavɨ.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

Colosenses 3:25

Ërei jupimbae oyapo vae pe, oyemboekoviata jókuae jupimbae oyapo vae, echa Tumpa mbaetɨ ko oporomboyoavɨ.

Hebreos 12:28

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve;

Hebreos 4:1

Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe.

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

1 Pedro 3:15

Pemboete yandeYa Tumpa pepɨa pe. Peïndaivi avei peï peñemomichi reve, peñemoe vaerä oparandu peve maera ra peäro peï peyerovia reve vae reta pe,