1 Pedro 1:12 - Biblia Guarani Tumpa Iñee

¹² Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

Nuevo Testamento Guaraní Pe

¹² Tumpa oicuauca chupe reta jocuae oicuatía vae ñandeveguara co - mbaeti co iyeupeguara. Jare Jesucristo ombou Espíritu Santo ara güi jemimondo reta pe, jae reta omombeu vaera peve ñee icavi vae. Jare araɨgua reta oipota yae oicuaa cuae mbaembae regua.

1 Pedro 1:12 ပူးပေါင်းရင်းမြစ်များ

ÉXODO 25:20

Jare araɨgua iä reta ipepo tomoata toñogüɨnoi ñɨ̈ro renda iárambo, toyóvai toñogüɨnoi, omae reta reve ñɨ̈ro renda re.

PROVERBIOS 1:23

Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 53:1

¿Kia pa güɨroviata romoërakuagüe re? ¿Jare kia re pa oyekuaa yandeYa imbaepuere?

DANIEL 10:1

Ciro mboapɨa año ma oiko mburuvicha guasurä Persia pe yave, Daniel, Beltsasar jee vae pe ou ñee; jókuae ñee oendu vae añetete vae ko, jare yavai yae vae ko; ërei jae oikuaa mbae ko oipota jei jókuae oecha vae.

DANIEL 12:13

Jare nde reikota nderekove iyapɨ regua jare reputuuta, jare ara iyapɨ rupi repüata remboresive vaerä kuri ndembaerä oï vae.’ ”

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

DANIEL 2:22

Jae oechauka mbae yavai yae vae jare oyekuaambae vae; jae oikuaa mbae oime oï pɨtumimbi pe vae, echa jae ko oikuaa opaete mbaembae.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

DANIEL 8:13

Javoi aendu metei araɨgua oparandu ïru araɨgua aendu imiari vae pe, jei: ‘¿Kërai yave pa iyapɨta kuae ara ñavo mɨmba oyeyuka oyeapɨ jese vae re oyekuaa vae? ¿Kërai regua pa oikota mbaeyoa yavaete yae vae yandeYa jo mbaemboetea pe jare jese oporogüɨrovia vae opa vaerä oñemokañɨteiuka?’

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Lucas 15:10

Che jae peve, jökoraiño vi ara pe oimeta yerovia tuichagüe Tumpa iaraɨgua reta pe metei iyoa vae oeya yave iyemongeta ikavimbae vae ipɨa pe oï vae.”

San Lucas 2:26

Jare Espíritu Santo oikuaauka ma yepe chupe kërai ngaraa omano ndei oecha mbove yandeYa Jembiparavo.

San Lucas 9:6

Jayave jae reta yogüɨraja imiari opaete tëta raɨ reta rupi, omoërakua reve ñee ikavi vae jare oporombogüera reta yogüɨrajaa rupi.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

Hechos 10:44

Jare Pedro imiari oï ramboeve, Espíritu Santo ou opaete kuae ñemoñee oendu vae reta re.

Hechos 16:10

Jare kuae oecha güire, jupiveiño roipota rojo Macedonia kotɨ. Echa roikuaa ma Tumpa orereenɨi romoërakua vaerä joko pegua reta pe ñee ikavi vae.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Hechos 4:8

Jayave Pedro tɨnɨe Espíritu Santo pe, jare jei chupe reta: —Tëta ruvicha reta jare Israel iñemuña reta itenondegua reta:

Hechos 8:25

Jayave Pedro jare Juan omombeu jare imiari Tumpa iñee ïru vae reta pe güire, yogüɨraja ye Jerusalén pe. Jare yogüɨraja ramboeve, omoërakua ñee ikavi vae jeta ïru Samaria pegua tëta raɨ reta rupi.

Romanos 1:15

Jáeramo che aipota yae amombeu ñee ikavi vae pe Roma pe peiko vae reta pe.

Romanos 1:17

Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove oporogüɨrovia ramo.”

Romanos 10:15

Jare ¿këraita pa kia omombeu chupe, mbaetɨ yave kia oyemondo? Echa oyekuatía oï körai: “Ipöra yae ko yogüeru oväe ñee mbɨakatu pegua omombeu vae reta. Ñee ikavi vae omoërakua vae reta.”

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

1 Corintios 2:10

Ërei Tumpa oikuaauka yandeve Espíritu Santo rupi. Echa Espíritu Santo oikuaa opaete mbae. Oikuaa vi opaete Tumpa regua yavai yae yaikuaa vaerä vae.

2 Corintios 1:22

jare jae ñanemokañɨmaa Espíritu Santo pe, oñono yandepɨa pe Espíritu Santo jae ko oikuaauka jae imbae ete ko yande vae.

2 Corintios 6:6

jare vi teko ikɨambae rupi, arakuaa reta, rogüɨropɨa vae rupi, mbɨakavi rupi, Espíritu Santo rupi, añetete vae mboroaɨu rupi,

Gálatas 1:12

Echa mbaetɨ amboresive ani aikuaa kia nunga kuimbae güi, jaeño Jesucristo oechauka cheve.

Gálatas 1:16

oikuaauka cheve Taɨ, che amoërakua vaerä judiombae vae reta pe. Kuae oyeapo yave, mbaetɨ aparandu jese kia pe;

Efesios 3:10

Tumpa iyarakuaa tuichagüe yae vae, oyekuaa vaerä oporogüɨrovia vae reta rupi, mburuvicha reta pe jare imbaepuere vae ara rupigua reta pe.

1 Tesalonicenses 2:9

Cherɨvɨ reta, pemaendúa kërai täta roparavɨkɨ jare royemoambeko. Roparavɨkɨ ara rupi jare pɨ̈tu rupi ave, agüɨye vaerä pomoambeko mbae re, romombeu ramboeve peve Tumpa iñee ikavi vae.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Hebreos 11:13

Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

Hebreos 4:2

Echa yandeve vi oñemoërakua ñee ikavi vae chupe reta oñemoërakua rami; ërei jókuae ñee ikavi vae mbaetɨ oyapo mbae chupe reta, echa mbaetɨ güɨrovia reta jókuae oendugüe.

1 Pedro 1:25

ërei ngatu yandeYa iñee oiko jekuae avei.” Jare kuae ko jae ñee ikavi vae ïru vae reta omombeu peve vae.

1 Pedro 4:6

echa jáeramo oñemoërakua vi ñee ikavi vae omano vae reta pe, ipuere vaerä oikove reta espíritu rupi Tumpa pe, yepe tëi oñejäa reta kuae ɨvɨ pe yogüɨreko ramboeve.

Apocalipsis 5:11

Amae jare aendu jeta araɨgua reta iñee jókuae tenda mborookuaía pegua, oikove vae reta jare jókuae tenondegua okuakuaa vae reta iyɨ́vɨri rupi. Jare jókuae araɨgua reta jeta yeyé,