1 Pedro 1:1 - Biblia Guarani Tumpa Iñee

¹ Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;

Nuevo Testamento Guaraní Pe

¹ Che co jae Pedro. Che co jae Jesucristo jemimondo. Aicuatía ai cuae tupapire opaete Israel pegua Ponto jare Galacia jare Capadocia jare Asia jare Bitinia rupi oñemoai vae reta pe.

1 Pedro 1:1 ပူးပေါင်းရင်းမြစ်များ

ESTER 3:8

Jare Amán jei mburuvicha guasu Asuero pe: —Oime metei tëtaɨgua reta oñemoai ñogüɨnoi opaete tëta reta ndembaepuere pe oï vae rupi, jare mborookuai jae reta güɨnoi vae ambuaeyee ko opaete vae güi, jare mbaetɨ omboete reta ndeporookuai, mbaetɨ jaekavi remaeño vaerä oikove reta.

SALMOS 44:11

Oremee vecha reta oyereraja mbaeyukaa pe rami; opa oremoai moai tëtaguasu reta rupi;

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

San Mateo 10:2

Jae kuae jókuae doce Jesús jemimondo reta jee: Simón (Pedro jee vae), jare tɨvɨ Andrés, jare Zebedeo taɨ reta: Jacobo jee vae jare tɨvɨ Juan;

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Mateo 4:18

Jesús oguata ramboeve ɨguasu Galilea pegua jembeɨ rupi, oecha Simón, Pedro jee vae, jare tɨvɨ Andrés. Jae reta pɨsa pe oyeporaka ñogüɨnoi ɨguasu pe. Echa jae reta ko yeporaka regua reta.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

San Juan 7:35

Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

Hechos 18:2

Jare oväe joko pe metei judío Aquila jee vae. Jae ko Ponto pegua. Kuae judío ou ramo oväe Italia güi jembireko Priscila ndive. Echa mburuvicha guasu Claudio jee vae oyókuai opaete judío reta ñogüɨnoe vaerä Roma güi. Jare Pablo ojo ípɨri.

Hechos 18:23

Jare mbovɨ ara joko pe oï güire, ojo omboapɨ opaete tëta reta Galacia jare Frigia rupi, omoäta ngatu reve opaete oporogüɨrovia vae reta.

Hechos 19:10

Jökorai oyapo mókoi año rupi, jökorai opaete judío jare griego reta Asia pegua oendu ñee yandeYa Jesús regua.

Hechos 6:9

Jare amogüe kuimbae judío reta itupao “Tembipɨɨgüe” jee vae pegua reta, jare Cirene pegua reta, Alejandría, Cilicia jare Asia pegua reta, oyomboatɨ oyoaka reta Esteban ndive.

Hechos 8:4

Ërei jókuae oporogüɨrovia vae reta opa oñemoai moai vae omoërakua ñee ikavi vae yogüɨrajaa rupi.

1 Corintios 16:19

Oporogüɨrovia vae reta Asia pegua omondo peve tamaraeme. Aquila jare Priscila jare oporogüɨrovia vae reta oyemboatɨ jae reta jo pe vae omondo vi jeta tamaraeme peve yandeYa re.

2 Corintios 1:8

Cherɨvɨ reta, roipota peikuaa kërai roiporara Asia pe roiko yave vae. Roiporara yae. Orepuereä ma rogüɨropɨa. Jáeramo royemongeta opa potaecha romano.

Gálatas 1:2

jare opaete yanderɨvɨ che ndive ñogüɨnoi vae reta roikuatía kuae tupapire opaete peporogüɨrovia vae reta Galacia pe peï vae pe.

Efesios 2:12

jókuae ara rupi peikose Cristombae reve, peiko tee Israel pegua reta güi, jare Tumpa iporogüɨrökuavee päve güi, mbaetɨ mbae penoi peäro vaerä jare peTumpambae kuae ɨvɨ pe.

Efesios 2:19

Jáeramo pe reta ketɨgua ramiä ma ko ani oguataiño vae ramiä ma ko, oporogüɨrovia vae reta iñeïru ma ko, Tumpa jëtara reta,

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 32:26

Ayemongeta ko mombɨrɨ rupi opa vaerä amoai moai, jare amboai ɨvɨ güi jee reta,

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.

2 Timoteo 1:15

Reikuaa ma ko kërai opaete Asia pegua reta osɨrɨ chegüi. Kuae reta ipɨte pegua ko jae Figelo jare Hermógenes.

Hebreos 11:13

Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.

Santiago 1:1

Che ko Santiago, Tumpa jare yandeYa Jesucristo jembiokuai. Amondo tamaraeme doce ñemuña Israel pegua reta oñemoai ñogüɨnoi vae pe.

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”