1 Juan 5:20 - Biblia Guarani Tumpa Iñee

²⁰ Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Nuevo Testamento Guaraní Pe

²⁰ Jae ramiño vi yaicuaa Tumpa Taɨ ou ma co cuae ɨvɨ pe jare omee ñandeve yaicuaa vaera Tumpa añetete vae. Ñañemoiru ma Tumpa ndive. Echa ñañemoiru ma Tumpa Taɨ Jesucristo ndive. Jae co Tumpa añetete vae. Jae omee ñandeve tecove opa mbae vae.

1 Juan 5:20 ပူးပေါင်းရင်းမြစ်များ

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

San Mateo 13:11

Jesús jei chupe reta: “Tumpa oikuaauka peve araɨgua mborookuaía peikuaambae vae. Ërei chupe reta mbaetɨ.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Lucas 24:45

Jayave oyepea chupe reta, oikuaa kavi vaerä Tumpa Iñee oyekuatía oï vae.

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 10:30

CheRu jare che meteiño ko.

San Juan 14:20

Jókuae ara peikuaata ko che meteiño cheRu ndive, jare pe reta meteiño che ndive vae, jare che meteiño pe ndive.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 15:4

Peï avei cheré, che aï peré rami. Metei jäka oyeasɨa yave uva iɨ güi, ngaraa ipuere ia. Echa jäka jae aeño ipuereä ia. Jökoraita vi pe reta mbaetɨ yave peï cheré.

San Juan 17:14

Amombeu ma chupe reta neñee. Jare oporogüɨroviambae vae reta oñemotareɨ, echa jae reta ɨvɨ peguaä ramo, che rami.

San Juan 17:25

CheRu jupi vae, oporogüɨroviambae vae reta mbaetɨ ndekuaa. Ërei che rokuaa, jare kuae reta oikuaa nde ko chembou vae.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 20:28

Jayave Tomás jei: —¡CheYa jare cheTumpa!

San Juan 8:42

Jayave Jesús jei chupe reta: —Tumpa ko jae peRu yave mona, pe reta cheraɨuta tëi ko. Echa che Tumpa güi ko ayu. Mbaetɨ ko ayu cheyeugüi aeño, jae ko chembou.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Romanos 9:5

Jae reta vi ko ñaneñemuñagüe reta iñemuña, jare jupi reta Cristo ou oyeapo kuimbaerä. Tumpa etei ko. Jae ko opaete mbaembae iYa. Toyemboeteuka jekuae avei pegua. Amén.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

Efesios 3:18

peikuaa kavi yae vaerä opaete oporogüɨrovia reta ndive, tuichagüe yae ko Cristo iporoaɨu vae,

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 1:8

Ërei Tumpa jei Taɨ re körai: “CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

1 Juan 2:23

Oime yave kia mbaetɨ güɨrovia Tumpa Taɨ re vae, mbaetɨ ko güɨrovia yandeRu Tumpa. Ërei güɨrovia Tumpa Taɨ re vae, güɨrovia vi ko yandeRu Tumpa re.

1 Juan 2:24

Iyɨpɨ güive peendu vae, peñovatu pepɨa pe. Echa jökorai yave, peiko aveita Tumpa Taɨ re jare yandeRu Tumpa re.

1 Juan 2:6

Oime yave kia “che ko jae Cristo imbae”, jei vae, toiko kavi jae oiko rami.

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

1 Juan 4:16

Yaikuaa ko jare yarovia ko Tumpa yanderaɨu. Tumpa ko mboroaɨu; oiko mboroaɨu pe vae oiko ko Tumpa re jare Tumpa oiko jese.

1 Juan 4:2

Kuae rupi pepuere peikuaa Tumpa iEspíritu: Opaete vae omombeu Jesucristo ko jae oyeapo kuimbaerä vae yave, jae ko Tumpa güi ou vae.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

1 Juan 5:15

Jare yaikuaa jae oendu ko yandeve oipotagüe mbae re yayerure chupe yave, yaikuaa jae oyapota ko yandeyerure.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

1 Juan 5:5

Güɨrovia Jesús ko jae Tumpa Taɨ vae, omoamɨri ɨvɨ pegua teko.

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei:

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”