1 Juan 4:4 - Biblia Guarani Tumpa Iñee

⁴ Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

Nuevo Testamento Guaraní Pe

⁴ Cheraɨ reta, pe reta co jae Tumpa imbae reta, jare pemoamɨri ma Cristo ndive oyovaicho vae reta. Echa Espíritu Santo oico pepɨa pe jare jae imbaepuere tuicha yae ɨvɨ pegua reta iya imbaepuere güi.

1 Juan 4:4 ပူးပေါင်းရင်းမြစ်များ

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

San Juan 17:23

Che aikota jese reta jare nde cheré, yogüɨreko vaerä metei ramiño kavi, ɨvɨ pegua reta oikuaa vaerä nde ko chembou vae jare nde reaɨu ko kuae reta nde cheraɨu rami vae.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

Romanos 8:37

Ërei yepe tëi opaete kuae oyeapo yandeve, jekuaeñoi ñaporomoamɨri jókuae yanderaɨu vae rupi.

1 Corintios 2:12

Jare yande mbaetɨ yamboresive espíritu kuae ɨvɨ pegua. Jaeño Espíritu Santo Tumpa güi ou vae, yaikuaa vaerä mbaembae Tumpa omee yandeve vae.

1 Corintios 6:13

Tembíu yanderɨe peguarä ko, jare yanderɨe tembíu pegua ko. Ërei Tumpa omboaita ko mókoi reve. Ërei yanderete mbaetɨ ko aguasa peguarä jaeño ko oï yandeYa peguarä, jare yandeYa yanderete peguarä.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

1 Juan 2:13

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve pemoamɨri aña guasu ramo. Cheraɨ aaɨu vae reta, aikuatía körai peve, peikuaa yandeRu ramo.

1 Juan 3:20

Echa yandepɨa omboeta yandeve vae güi ko Tumpa iporomboeta tuicha yae, echa jae oikuaa opaete mbaembae.

1 Juan 3:24

Jare Tumpa iporookuai reta oyapo vae oiko avei ko Tumpa re, jare Tumpa jese. Jare kuae re yaikuaa Tumpa oiko ko yanderé vae: Jae ko Espíritu Santo omee vae rupi.

1 Juan 4:13

Jare kuae re yaikuaa yaiko ko Tumpa re vae, jare jae oiko ko yanderé vae, jae ko Espíritu Santo omee yandeve vae rupi.

1 Juan 4:16

Yaikuaa ko jare yarovia ko Tumpa yanderaɨu. Tumpa ko mboroaɨu; oiko mboroaɨu pe vae oiko ko Tumpa re jare Tumpa oiko jese.

1 Juan 4:6

Ërei yande ko jae Tumpa imbae reta. Kia oikuaa Tumpa vae, oyeapɨsaka yanderé. Ërei kia Tumpa imbaeä vae, mbaetɨ oyeapɨsaka yanderé. Körai yandepuere yaikuaa añete vae pegua espíritu ani tavɨ pegua.

1 Juan 5:19

Yaikuaa ko yande jae Tumpa taɨ reta, jare kërai aña guasu güɨnoi mbaepuere opaete ɨvɨ re.

1 Juan 5:4

Tekove Tumpa güi güɨnoi vae omoamɨri ɨvɨ pegua teko. Yandeporogüɨrovia rupi ko ñamoamɨri ɨvɨ pegua teko.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.