1 Juan 3:12 - Biblia Guarani Tumpa Iñee

¹² Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

Nuevo Testamento Guaraní Pe

¹² Agüɨye yayapo Caín oyapo rami. Echa Caín aña guasu imbae co jare oyuca tɨvɨ. Jare peicuaa co maera oyuca. Caín oyapo icavi mbae vae, jare tɨvɨ oyapo jupi vae. Jae rambue Caín oyuca tɨvɨ.

1 Juan 3:12 ပူးပေါင်းရင်းမြစ်များ

GÉNESIS 4:25

Adán jembireko imembɨ ye, jare ombojee Set, echa jei: “Tumpa omboekovia chemembɨ Abel cheve, Caín oyuka vae.”

2 SAMUEL 13:22

Absalón mbaetɨ etei mbae jei Amnón pe, ërei omotareɨ omae Amnón re, opoko ramo jeindɨ Tamar re.

SALMOS 37:12

Iyoa vae oeka oyapo vaerä ikavimbae jupi vae kotɨ, omotareɨ yae omae jese.

SALMOS 38:20

Omboekovia reta cheve ikavi ayapo vae ikavimbae pe, oñemopüa chekotɨ reta, ikavi vae ayapo vae jeko pegua.

PROVERBIOS 27:4

Arasɨ ikaviä yae ko, arasɨ rai yavaete yae ko, ërei ñemotareɨ mbaetɨ kia ipuere güɨropɨa.

PROVERBIOS 29:10

Oporoyuka vae reta güɨröɨro jupi vae, ërei jupi vae reta, oeka kërai ombopɨa katu vaerä.

PROVERBIOS 29:27

Jupi vae reta güɨröɨro kuimbae jeko kavimbae reta, jare jupimbae güɨröɨro kuimbae sɨmbi rupi oiko vae.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 13:38

Jókuae, ko, oyembojaanga opaete ɨvɨ re. Trigo ikavi vae oyembojaanga Tumpa iporookuaía pegua reta re. Ërei trigoraanga oyembojaanga ikavimbae vae oyapo vae reta re.

San Mateo 23:35

Jare pe reta penoita teko opaete jekombae reta imano re, jupi vae Abel oyeyukauka güive Berequías taɨ Zacarías oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe.

San Mateo 27:23

Mburuvicha oparandu chupe reta: —¿Mbae ikavimbae vae pa oyapo? Ërei jae reta jeieteño osapúkai reve jei: —¡Eikutuuka kurusu re!

San Mateo 5:37

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

San Lucas 11:51

Abel oyeyukauka güive Zacarías oyeyukauka vae pe. Jókuae Zacarías omano mɨmba oyeyukagüe oyeapɨ jese vae jare tupao ipäu pe vae. Añete che jae peve, kuae reta imano re pe reta peiporarata.

San Juan 10:32

Jayave Jesús jei chupe reta: —Ayapo ma jeta mbae ikavigüe peróvai cheRu imbaepuere rupi. ¿Mbae nunga vae re pa peipota cheyuka ita pe?

San Juan 8:40

Ërei añave peipota cheyuka, yepe tëi amombeu ma peve añete vae, Tumpa omombeu cheve vae. ¡Abraham mbaetɨ ko jökorai!

San Juan 8:41

Pe reta peyapo ko peru jembiapo reta. Jayave jae reta jei: —¡Aguasa rupi oyeapo vaeä ko ore reta. Tumpaño ko jae oreRu!

Hechos 7:52

Peñemuñagüe reta oyapo ikavimbae opaete ñeemombeúa reta pe. Peñemuñagüe reta oyuka ñeemombeúa reta omoërakua Jupi vae outa vae regua vae. Jaeramoño vi añave pe reta pemee jare peyukauka jókuae jupi vae.

1 Tesalonicenses 2:14

Echa pe cherɨvɨ reta, peiko ma oporogüɨrovia vae reta Judea pegua reta rami, echa peiporara ma perëtaɨgua reta güi, jae reta oiporara jëtaɨgua reta güi rami,

Hebreos 11:4

Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel, jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

1 Pedro 4:4

Jare añave mbaetɨ ma peiko jae reta ndive jeko kavimbae pe ramo, mbaetɨ ma ipöra chupe reta jare jei reta mbae ikavimbae pekotɨ.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

Apocalipsis 17:6

Jare aecha kuña osavaɨpo oporogüɨrovia reta jare oyeyukauka omombeu Jesús re vae reta jugüɨ pe. Aecha yave chepɨakañɨ yae.