1 Juan 2:29 - Biblia Guarani Tumpa Iñee

²⁹ Peikuaa Tumpa ko jae jupi vae yave, peikuaa vi kërai Tumpa omee ma tekove opambae vae opaete jupi vae oyapo vae reta pe.

Nuevo Testamento Guaraní Pe

²⁹ Peicuaa quirai Tumpa co jae jupi vae. Jae rambue peicuaa vi quirai Tumpa omee ma tecove opa mbae vae opaete jupi vae oyapo vae reta pe.

1 Juan 2:29 ပူးပေါင်းရင်းမြစ်များ

JEREMÍAS 13:23

¿Ñaguanau ipuere pa ipireyu? ¿Yaguapara ipuere pa oyeekɨ ipïra? Jökorai ko peyepokuaa ikavimbae pe, ngaraai pepuere peyapo ikavi vae.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Juan 1:13

Tumpa etei kuae oyapo, mbaetɨ ou reta ichɨ ani tu rupi, jaeño ou Tumpa jemimbota rupi.

San Juan 7:18

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Hechos 10:35

Echa oipotagüe tëtaguasu pegua omboete Tumpa vae jare jupigüe oyapo vae ikavi ko chupe.

Hechos 22:14

Jayave jae jei cheve: ‘Ñaneñemuñagüe reta iTumpa ndeparavo, reikuaa vaerä jae jemimbota, reecha vaerä jókuae Jupi vae jare reendu vaerä iñee.

Hechos 3:14

Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Hebreos 7:2

Jayave Abraham omee Melquisedec pe payandepo güi metei opaete güɨnoi vae güi. Tee Melquisedec oipota jei: “Mburuvicha guasu jupi vae”. Kuae Melquisedec ko jae Salem pegua mburuvicha guasu, jare kuae oipota jei: “Mburuvicha guasu mbɨakatu pegua.”

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

2 Pedro 1:4

Jókuae mbaembae rupi Tumpa oyapo yandeve morogüɨrökuavee ikavigüe yae jare tuichagüe, jókuae rupi ñanoi ma jae omee yandeve vae, peeya ramo opaete ikavimbae ɨvɨ pegua soo jemimbota rupi oime vae.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

1 Juan 3:5

Jare peikuaa kërai Jesucristo oyeapo kuimbaerä omboai vaerä yandeyoa reta. Jare jae mbaetɨ etei iyoa.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.

1 Juan 4:7

Cherɨvɨ aaɨu vae reta, yayoaɨu päve. Echa Tumpa güi ko ou yandeve mboroaɨu. Jókuae oporoaɨu vae güɨnoi tekove Tumpa güi, jare oikuaa ko Tumpa.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

1 Juan 5:4

Tekove Tumpa güi güɨnoi vae omoamɨri ɨvɨ pegua teko. Yandeporogüɨrovia rupi ko ñamoamɨri ɨvɨ pegua teko.

3 Juan 1:11

Cherɨvɨ aaɨu vae, agüɨye emomoe ikavimbae vae, emomoe ikavi vaeño. Ikavi vae oyapo vae Tumpa taɨ ko. Ërei ikavimbae vae oyapo vae mbaetɨ ko oikuaa Tumpa.