1 Juan 2:28 - Biblia Guarani Tumpa Iñee

²⁸ Añave, cheraɨ poaɨu vae reta, peiko avei jese, jökorai jae ou ye yave ñaïta jae jóvai yayerovia reve, agüɨye vaerä ñanemara ñañoövaiti jae ndive yave.

Nuevo Testamento Guaraní Pe

²⁸ Añave, cheraɨ reta, peñemoatangatu peñemoiru vaera Jesucristo ndive. Jocorai yave, jae ou ye yave, ñaita jae jóvai yayerovia reve. Ngaraa ñanemara jae ndive ñañoovaiti yave.

1 Juan 2:28 ပူးပေါင်းရင်းမြစ်များ

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

MALAQUÍAS 3:2

Jare, ¿kia pa ipuereta güɨropɨa jae ou yave?, jare ¿kia pa ipuereta oyemboɨ jae jóvai, jae oyeechauka yave? Echa jae tata mbae ikɨagüe oekɨ rami, jare ombaeputuka vae reta ijavo rami.

MALAQUÍAS 4:5

Mase, ambouta peve ñeemombeúa Elías, ndei ou mbove yandeYa iporojäa iara, tuicha yae jare yavaete yaeta vae.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 16:28

Añete che jae peve, ndei amogüe kuae pe ñogüɨnoi vae omano mbove, chereechata che Kuimbaerä ayeapo vae ayu araɨgua mborookuaía ndive.

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Lucas 17:30

Jökoraita vi oasa che Kuimbaerä ayeapo vae ayekuaa yave.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Corintios 1:7

Jökorai agüɨye vaerä oata peve metei ave Espíritu Santo omee mbaepuere vae, peäro reve yandeYa Jesucristo ou ye regua.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

Efesios 3:12

jese yandepuere yaike Tumpa oïa pe yandeporogüɨrovia rupi.

Colosenses 3:4

Cristo ko perekove. Cristo oyekuaa ye yave, pereta vi peyekuaata jae ndive mbaemboetea reve.

1 Tesalonicenses 2:19

¿Echa mbae pa oreporoäro, oreyerovia ani oreyemboetea? Pe reta ko, yandeYa Jesucristo ou ye yave.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

1 Tesalonicenses 5:23

Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave.

1 Timoteo 6:14

eyapo che royókuai jese vae reipoepɨmbae reve, agüɨye vaerä kia ipuere ndemboeko mbae re, yandeYa Jesucristo ou ye regua.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Pedro 5:4

Jare Cristo oporogüɨrovia vae reta iyangarekoa reta Juvicha ou ye yave, omeeta peve äka-regua mbaemboete oikomeguambae vae.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

1 Juan 3:2

Cherɨvɨ aaɨu vae reta, añave yande ko jae Tumpa taɨ reta ma. Jare ndeiño oyekuaa kërai eteita ko yande vae, ërei yaikuaa Cristo ramita ko yande jae ou ye yave, echa yaechata jae etei.

1 Juan 3:21

Cherɨvɨ aaɨu vae reta, mbaetɨ yave yandepɨa omboeta, yayeko Tumpa re;

1 Juan 4:17

Jare kuae re okuakuaa mboroaɨu yanderé, yandepuere vaerä ñaï Tumpa jóvai yakɨɨyembae reve jókuae iporojäa iara pe. Echa kuae ɨvɨ pe yaiko ramboeve, jae rami ko yaiko.

1 Juan 5:14

Jare yandepuere yarovia katu Tumpa, echa yaikuaa Tumpa oendu ko yandeve yayerure yave chupe jae jemimbota rupi mbae re.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!