1 Juan 2:24 - Biblia Guarani Tumpa Iñee

²⁴ Iyɨpɨ güive peendu vae, peñovatu pepɨa pe. Echa jökorai yave, peiko aveita Tumpa Taɨ re jare yandeRu Tumpa re.

Nuevo Testamento Guaraní Pe

²⁴ Jae rambue jecuae perovia iyɨpɨ güive peñemboe jese vae. Echa jocorai yave, jecuae peñemoiru cavita Tumpa Taɨ ndive jare ñandeRu Tumpa ndive vi.

1 Juan 2:24 ပူးပေါင်းရင်းမြစ်များ

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

San Lucas 1:2

Jókuae iyɨpɨ güive jae reta etei oecha vae reta jökorai omombeu yandeve, jókuae Tumpa iñee omombeu ïru reta pe vae reta.

San Lucas 9:44

—Peyeapɨsaka kavi kuae jaeta peve vae re. Echa che Kuimbaerä ayeapo vae chemeeta cherovaicho reta ipo pe vae.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 15:7

Peï yave cheré, jare peyapo che jae peve vae yave, peiporu peipota vae jare oyeapota ko peve.

San Juan 6:56

Cherete jare cherugüɨ jou vae oiko che ndive jare che aiko jae ndive.

San Juan 8:25

Jayave jei reta chupe: —¿Kia pa nde? Jesús jei chupe reta: —Jókuae tenonde güive amombeu ma peve vae.

Filipenses 4:15

Jare pe Filipoɨgua reta, peikuaa vi kërai ñee ikavi vae amboɨpɨ amombeu yave, aja Macedonia güi yave, mbaetɨ yé ïru oporogüɨrovia vae reta chemborɨ, jaeño pe reta.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 2:7

Cherɨvɨ reta, kuae aikuatía aï peve vae mbaetɨ ko mborookuai ipɨau. Jaeño mborookuai indechi vae iyɨpɨ güive peikuaa vae. Kuae mborookuai indechi vae ko jae ñee peendu iyɨpɨ güive vae.

1 Juan 3:24

Jare Tumpa iporookuai reta oyapo vae oiko avei ko Tumpa re, jare Tumpa jese. Jare kuae re yaikuaa Tumpa oiko ko yanderé vae: Jae ko Espíritu Santo omee vae rupi.

1 Juan 4:13

Jare kuae re yaikuaa yaiko ko Tumpa re vae, jare jae oiko ko yanderé vae, jae ko Espíritu Santo omee yandeve vae rupi.

1 Juan 4:15

Oime yave kia “Jesús ko jae Tumpa Taɨ” jei vae, Tumpa oï jese jare jae oï Tumpa re.

1 Juan 4:16

Yaikuaa ko jare yarovia ko Tumpa yanderaɨu. Tumpa ko mboroaɨu; oiko mboroaɨu pe vae oiko ko Tumpa re jare Tumpa oiko jese.

2 Juan 1:2

Añete vae oï yanderé vae jeko pegua, oï aveita yande ndive jekuae avei pegua.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.

3 Juan 1:3

Chemboyerovia yae amogüe yanderɨvɨ reta yogüeru kuae pe omombeu cheve kërai añete vae oiko ndepɨa pe jare reiko añete vae rupi.

Apocalipsis 3:11

Mase, ayuta ete ma, renoi vae eñovatu, agüɨye vaerä ndembaerä tëi vae oñemee ïru pe.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.