1 Juan 2:15 - Biblia Guarani Tumpa Iñee

¹⁵ Agüɨye peaɨu kuae ɨvɨ, ani mbaembae ɨvɨ pegua. Oime yave kia kuae ɨvɨ oaɨu vae, mbaetɨ ko oaɨu Tumpa;

Nuevo Testamento Guaraní Pe

¹⁵ Agüɨye peaɨu cuae ɨvɨ pegua. Agüɨye peaɨu mbaembae ɨvɨ pe ñogüɨnoi vae. Oime yave quia cuae ɨvɨ pegua oaɨu vae, mbaeti añetete oaɨu Tumpa.

1 Juan 2:15 ပူးပေါင်းရင်းမြစ်များ

San Mateo 4:8

Jayave aña guasu jekuae güɨraja ye Jesús metei ɨvɨtɨ guasu ɨvate yae vae re, jare oechauka chupe opaete ɨvɨ pegua mborookuaía reta, iyemboetea reve reve.

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

San Lucas 16:13

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Mbaetɨ pepuere peyeokuai Tumpa pe mbaeyekou peaɨu reve.

San Juan 15:19

Pe reta mona ɨvɨ pegua yave, ɨvɨ pegua reta peraɨuta tëi ko. Ërei che poparavo ma ɨvɨ pegua reta ipɨte güi ramo, jae reta pemotareɨ. Echa pe reta ɨvɨ peguaä ma ko.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Gálatas 1:10

Mbaetɨ etei aipota ɨvɨ pegua reta chembotuicha. Aipota Tumpaño chembotuicha vaerä. Mbaetɨ vi aipota ɨvɨ pegua reta ambopɨakatu vaerä, echa jökorai yave Cristo jembiokuaiä ma ko che.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.

1 Juan 3:17

Ërei oime yave kia oikokatu kuae ɨvɨ pe vae, jare oecha ïru oporogüɨrovia vae pe oata mbae vae mbaetɨ oiparareko yave, ¿këraita pa oï jese Tumpa iporoaɨu?

1 Juan 4:5

Echa jae reta ɨvɨ pegua ko. Jáeramo imiari mbaembae ɨvɨ pegua reño, jare ɨvɨ pegua reta oyeapɨsaka kavi jese reta.

1 Juan 5:10

Tumpa Taɨ re güɨrovia vae, güɨnoi ko ipɨa pe jókuae oñemoërakua vae; mbaetɨ güɨrovia Tumpa re vae, omboapu ko Tumpa, echa mbaetɨ güɨrovia Tumpa omombeu Taɨ regua vae.