1 Juan 2:11 - Biblia Guarani Tumpa Iñee

¹¹ Ërei omotareɨ ïru oporogüɨrovia vae, oï ko pɨtumimbi pe. Oiko pɨtumimbi pe, mbaetɨ ko oikuaa ketɨ ra ojo vae, echa pɨtumimbi omboesaä.

Nuevo Testamento Guaraní Pe

¹¹ Erei oime yave quia iru oporogüɨrovia vae omotareɨ vae, jae jecuaeño oico pɨtumimbi oia pe. Jae rambue jae co oguata ojo pɨtumimbi pe vae rami. Mbaeti oicuaa quetɨ ra ojo. Echa mbaeti etei ipuere oecha pɨtumimbi pe.

1 Juan 2:11 ပူးပေါင်းရင်းမြစ်များ

2 SAMUEL 13:22

Absalón mbaetɨ etei mbae jei Amnón pe, ërei omotareɨ omae Amnón re, opoko ramo jeindɨ Tamar re.

PROVERBIOS 4:19

Ërei iyoa vae reta jape pɨtumimbi rami ko; ¡mbaetɨ oikuaa reta mbae re ko ipɨ̈sa-yeyuka retata vae!

ECLESIASTÉS 2:14

Yarakuaa vae omae kavi opaete mbae oyapota yave, ërei yarakuaambae mbaetɨ omae kavi mbae oyapota yave. Ërei ngatu aecha vi kuae reta, oyovakeñota opa omano;

LEVÍTICO 19:17

Agüɨye pepɨa pe pemotareɨ perëtara. Pemboeta perapicha pe, agüɨye vaerä peyemboeko jae ndive iyoa pe.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

2 Corintios 3:14

Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

2 Pedro 1:9

Ërei opaete kuaekuae re oata vae omae kaviä ko; jesaä ko, ñakañɨ ko Tumpa omboai chugüi iyoa oasagüe reta vae güi.

1 Juan 1:6

Yae yave ñañemoïru ma ko jae ndive, ërei yaiko yave pɨtumimbi pe yandeapu ko, jare mbaetɨ yayapo añete vae.

1 Juan 2:10

Kia oaɨu ïru oporogüɨrovia vae, jae oiko ko tembipe pe, mbaetɨ ipuere oyepɨaka mbae re.

1 Juan 2:9

Oime yave kia “che aiko tembipe pe” jei vae, ërei omotareɨ yave ïru oporogüɨrovia vae, oiko vɨteri ko pɨtumimbi pe.

1 Juan 3:15

Iñeïru oporogüɨrovia vae omotareɨ vae, oporoyuka vae rami ko. Jare peikuaa ko metei oporoyuka vae mbaetɨ etei güɨnoi tekove opambae vae iyé.

1 Juan 4:20

Oime yave kia “che aaɨu Tumpa” jei vae, ërei omotareɨ yave iñeïru oporogüɨrovia vae, iyapu yae ko. Echa iñeïru oporogüɨrovia vae oecha etei vae mbaetɨ oaɨu yave, ¿këraita pa oaɨu Tumpa oechambae vae?

Apocalipsis 3:17

Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.