1 CRÓNICAS 17:9 - Biblia Guarani Tumpa Iñee

⁹ Jaeramiño vi ayapo kavi tëta Israel chembae vae jendarä, jare joko pe añono yogüɨreko vaerä iɨvɨ ae pe, agüɨye mo vaerä oyembosɨrɨ iɨvɨ güi, ani jekopochɨ vae reta opɨ̈ro chugüi tenonde yave rami.

1 CRÓNICAS 17:9 ပူးပေါင်းရင်းမြစ်များ

1 CRÓNICAS 17:10

Añono güire mburuvicha oporojäa vae reta tëta Israel chembae pe; che amomichita opaete nderovaicho reta. Jare aikuaauka ndeve neñemuñarä ameeta vae.

1 CRÓNICAS 17:8

jare aiko nde ndive kerupi reoa rupi, opa amoamɨri nderovaicho reta ndeve jare amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

SALMOS 44:2

Ndembaepuere pe renoe remombo ïru tëtaguasu reta, reiporarauka tëta reta pe, jökorai opa renoe remombo, jare oreñemuñagüe reta reñono joko pe.

SALMOS 89:22

jovaicho reta ngaraa oesapɨa, jeko kavimbae reta ave ngaraa omoamɨri.

SALMOS 92:13

Temitɨ rami ñogüɨnoi yandeYa jo pe, yandeYa jo joka pe ipotɨ reta.

ÉXODO 2:23

Kuae jaɨkue rupi, ɨma ma oasa yave, mburuvicha guasu Egipto pegua omano. Israel iñemuña reta jeieteño güɨroäse yeokuaiasɨ katu, jare ipɨatɨtɨ reve oyerure reta Tumpa pe; jare jae oendu jae reta iyerure yeokuaiasɨ katu jeko pegua.

ISAÍAS 49:17

Nemopüa pɨau yeta vae reta, yogüeru yogüɨreko ramboeve, ndemboai jare nererokomegua vae reta opata ñogüɨnoe yogüɨraja ndegüi.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

JEREMÍAS 24:6

Ayangarekota jese reta, jare aru yeta kuae ɨvɨ pe. Amopüa reta yeta jare ngaraa ma amboai ye, añono retata jenda pe jare ngaraa ma anoe ye.

JEREMÍAS 32:41

Che ayerovia yaeta ayapo vaerä ikavi vae chupe reta, jare opaete chepɨa-kɨ̈reɨ ngatu reve ameeta yogüɨreko avei vaerä kuae ɨvɨ pe.”

EZEQUIEL 28:4

Ndearakuaa rupi jare ndepoki rupi remboatɨ jeta mbaeyekou, jare renoi jeta oro jare korepoti ndembaembae reñovatúa pe.

EZEQUIEL 34:13

Che anoeta tëta reta ñogüɨnoia rupi güi, jare amboatɨta ïru ɨvɨ güi, aruta iɨvɨ ae pe. Ayangarekota jese ɨvɨtɨ reta Israel pegua rupi, ɨ̈aka jembeɨ rupi, opaete ɨvɨ kia yogüɨreko pɨpe vae rupi.

EZEQUIEL 37:25

Yogüɨreko retata jókuae ɨvɨ amee cherembiokuai Jacob pe vae pe, joko pe yogüɨrekose peñemuñagüe reta. Joko pe yogüɨrekota jae reta, taɨ reta jare iñemuña reta jekuae avei pegua; jare cherembiokuai David rami vae oikota juvicharä jekuae avei pegua.

AMÓS 9:15

Echa añonota iɨvɨ ae pe jare ngaraa ye ma oyeekɨuka iɨvɨ che amee chupe reta vae güi.”

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”