1 CRÓNICAS 10:4 - Biblia Guarani Tumpa Iñee

⁴ Jayave Saúl jei iyeopiaka ivoɨa pe: “Eekɨ ndekɨsepuku javoi chekutu pɨpe, agüɨye vaerä yogüeru kuae Tumpa re güɨroviambae reta oyuvanga cheré.” Ërei iyeopiaka ivoɨa mbaetɨ oipota echa okɨɨye yae. Jayave Saúl oipɨɨ ikɨsepuku jare oa jese.

1 CRÓNICAS 10:4 ပူးပေါင်းရင်းမြစ်များ

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

2 SAMUEL 1:6

Jare jókuae kunumi imiari oï chupe vae jei: —Jese katu che aï ɨvɨtɨ Gilboa pe yave aecha Saúl oyeko oï imii re, jare tovaicho kavayu regua reta oupitɨta ete ma.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

1 REYES 16:18

Zimri oecha tëta opa ko oñeova yave, oike mburuvicha guasu jo japɨpe, jare oyatapɨ jese iyeupe jae oï reve japɨpe, jökorai omano.

1 CRÓNICAS 10:3

Javoi jeiete yae ñeraro Saúl kotɨ, jare uvɨ regua reta oupitɨ jare oñɨvo.

1 CRÓNICAS 10:5

Yeopiaka ivoɨa oecha yave Saúl omano, jae oa vi ikɨsepuku re jare oyeyuka.

Hechos 1:18

Ërei jae ikavimbae oyapo vae jepɨgüe re ogua metei ɨvɨ. Joko pe oa ɨvate güi, jare jɨe osoro, opaetei ichuri oyekuavo.

Hechos 16:27

Jayave tembipɨɨrɨru iyangarekoa osareko jare oecha oyepea oï tembipɨɨrɨru jöke reta. Jayave oekɨ ikɨsepuku oyeyuka vaerä, echa jae oyemongeta tembipɨɨ reta opa ma ko otekuarai.

JUECES 15:18

Jare Sansón oyaporai yae ma ɨuve ramo, oenɨi yandeYa jare jei chupe: “¿Remaeñota pa cheyuka ɨuve kuae itumpa-raanga pota vae reta ipɨte pe, remee güire aporomoamɨri?”

JUECES 16:21

Jayave filisteo reta oipɨɨ jare opa güɨnoe chugüi jesäɨ jare güɨraja reta Gaza pe; joko pe oñapɨti reta karena jiero iyu vae pegua pe jare oiko tembipɨɨ rɨru pe ombaeyoso vaerä.

JUECES 9:54

Abimelec oenɨi aramoete imborɨa yeopiaka ovoɨ chupe vae, jare jei chupe: “Eekɨ ndekɨsepuku jare cheyuka, echa mbaetɨ aipota jei reta vae: ‘Metei kuña pe ko oyeyukauka.’ ”

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.

1 SAMUEL 31:4

Jayave Saúl jei iyeopiaka ivoɨa pe: —Eekɨ ndekɨsepuku, jare chekutu pɨpe, agüɨye vaerä yogüeru kuae itumpa-raanga pota vae reta cheyuka, jare oyuvanga reta cheré. Ërei iyeopiaka ivoɨa mbaetɨ oipota, echa okɨɨye yae. Jayave Saúl oipɨɨ ikɨsepuku oa jese, oyeyuka.