1 Corintios 9:21 - Biblia Guarani Tumpa Iñee

²¹ Jare Moisés iporookuai mbaetɨ güɨnoi vae reta ndive aï yave, che aiko vi jae reta rami, jae reta vi güɨrovia vaerä Cristo re (kuae mbaetɨ oipota jei aikoä ma Tumpa iporookuai re. Echa che aiko Cristo iporookuai re).

Nuevo Testamento Guaraní Pe

²¹ Moisés iporoócuai mbaeti güɨnoi vae reta ndive aico yave, che vi aico metei Moisés iporoócuai mbaeti güɨnoi vae oico rami, jae reta vi güɨrovia vaera Cristo re chereco pegua. Cuae mbaeti oipota jei mbaeti ma aico Tumpa iporoócuai re. Echa che aico Cristo iporoócuai re.

1 Corintios 9:21 ပူးပေါင်းရင်းမြစ်များ

SALMOS 119:32

Ndeporookuai reta jeigüe ayapo jarembae voi, yerovia katu pe remotɨnɨe chepɨa yave.

Hechos 15:28

Jaekavi Espíritu Santo pe jare oreve vi agüɨye vaerä roñono peve mbaemboavai, jaeño kuae mbovɨ mbaembae:

Hechos 16:4

Jare yogüɨraja ramboeve tëta guasu reta rupi, omoërakua oporogüɨrovia vae reta pe, temimondo reta jare oporogüɨrovia vae reta itenondegua Jerusalén pe ñogüɨnoi vae reta oikuatía chupe reta vae, jae reta oyapo vaerä.

Hechos 21:25

Ërei roikuatía ma judiombae oporogüɨrovia vae reta pe agüɨye vaerä oyapo mborookuai. Jaeño agüɨye tou reta soo tumpa-raanga pe oñemee vae, jare mbaerugüɨ, jare mɨmba oyeyuvɨgüe isoo, jare agüɨye toyapo aguasa.

Romanos 2:12

Echa opaete iyoa Moisés iporookuai mbaetɨ güɨnoi reve vae, mborookuai güɨnoimbae reve yogüɨrajata kañɨtei pe. Ërei opaete iyoa Moisés iporookuai güɨnoi reve vae reta, oñejäaukata jókuae mborookuai rupi;

Romanos 2:14

Echa judiombae vae reta, yepe tëi mbaetɨ güɨnoi Moisés iporookuai, ërei oyapo reta mborookuai jei vae iyeugüi aeño mbaetɨ tëi güɨnoi reta reve. Kuae reta yepe tëi mbaetɨ güɨnoi mborookuai, ërei jae reta ipɨa pe etei ko güɨnoi iyeupe mborookuai.

Romanos 7:22

Echa cheɨvɨte pe avɨakatu Tumpa iporookuai re;

Romanos 7:25

Yasoropai amee Tumpa pe, jae cheyora yandeYa Jesucristo rupi. Jáeramo, chekɨ̈reɨ reve ayemongeta ayapo vaerä Tumpa iporookuai jei vae, ërei cherete oipota mbaeyoa jemimbotaño.

Romanos 8:4

kuae oyapo, mborookuai jei vae yayapo vaerä. Echa mbaetɨ ma yaiko yandesoo jemimbota reño, yaiko ma ko Espíritu Santo jei vae re.

Gálatas 3:2

Kuaeño aipota pemombeu vaerä cheve: ¿Pemboresive pa Espíritu Santo, mborookuai jei vae peyapo vae rupi?, ani ¿ñee ikavi vae peendu yave perovia vae rupi?

Gálatas 6:2

Peyomborɨ mborɨ, pevoɨta ipoɨ vae re rami, jökorai pembopo Cristo iporookuai.

Hebreos 8:10

Jáeramo, kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; aikota jae reta iTumparä jare jae reta yogüɨrekota chembaerä.