1 Corintios 9:17 - Biblia Guarani Tumpa Iñee

¹⁷ Echa che ayapo yave chekɨ̈reɨ ngatu reve, jekoviata cheve; ërei ayapo yave cheäteɨ reve, ayapo tai yandeYa cheokuai ramoño.

Nuevo Testamento Guaraní Pe

¹⁷ Echa che ayapo yave cuae mbaravɨquɨ che etei aipota rambue, icavita tei iru vae reta omboepɨ vaera cheve. Erei ayapo cuae mbaravɨquɨ, ñandeYa cheócuai ayapo vaera rambue. Jae rambue ñee icavi vae amombeu yave, ayeócuai ai Tumpa pe.

1 Corintios 9:17 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:14

jare, ¿kia pa che jare kia pa cherëtaɨgua reta romee vaerä ndeve jeta mbota? Echa, ndembae ko opaete mbaembae, jare jaeño romee ndeve ndegüi romboresivegüe.

1 CRÓNICAS 29:5

Opaete oro jare korepoti oyeapo vaerä chugüi oipotagüe mbae, opaete ipoki mbae oyapo vae reta ikɨ̈reɨ oiporu rupi. Jare añave, ¿kia pa ikɨ̈reɨ omee mbota ipɨakatu rupi yandeYa pe?”

1 CRÓNICAS 29:9

Opaete vae reta oyerovia omee ramo mbota ipɨa-kɨ̈reɨ ngatu reve, echa kuae mbaembae reta omee yandeYa pe opaete ipɨa ndive.

NEHEMÍAS 11:2

Jaɨkue rupi, opaete vae jei ñee kavi jókuae jaeiño oñererökuavee ipɨa-kɨ̈reɨ ngatu reve oiko vaerä Jerusalén pe vae reta kotɨ.

ISAÍAS 6:8

Jaɨkue rupi aendu yandeYa iñee, jei körai: “¿Kia ra amondota? ¿Kia ra güɨrajata oreñee?” Jayave che jae: “Ko aï, che chemondo.”

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Mateo 10:41

Kia omboresive kavi yave metei ñeemombeúa, ñeemombeúa jeko pegua, ñeemombeúa pe oñemee mbota vae, omboresiveta. Jare kia omboresive kavi yave jupi vae, jupi jeko pegua, jupi vae pe oñemee mbota vae omboresiveta.

San Mateo 24:25

Mase, amombeu kavi voi ma ko aï peve kuae, ndei oyeapo mbove.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Juan 4:36

Jare ombaarɨvo vae pe oyemboepɨ; oarɨvo tekove opambae vae peguarä, omaetɨ vae jare ombaarɨvo vae oyerovia päve vaerä.

1 Corintios 3:14

O iguapɨka iárambo kia nunga vae omopüa vae mbaetɨ ókai yave, jekoviata chupe jókuae.

1 Corintios 3:8

Omaetɨ vae jare omboɨu vae oyovakeño ko. Yepe tëi Tumpa omboekoviata metei ñavo pe iparavɨkɨ oï rupi.

1 Corintios 4:1

Jáeramo pemae oreré, ore reta ko Cristo jembiokuai reta, Tumpa iyemongeta yaikuaa rapembae roikuaauka vae.

1 Corintios 9:16

Yepe tëi amoërakua ñee ikavi vae, ërei ngaraa ayemboete jókuae re. Echa yandeYa cheokuai amoërakua vaerä. ¡Këraita pa aiko mbaetɨ yave amoërakua ñee ikavi vae!

1 Corintios 9:18

Jare jekovia cheve vae jae ko amoërakua ñee ikavi vae akovarambae reve vae. Amoambekombae reve jupi ko chemborɨ vaerä tëi ñee ikavi vae amoërakua vae re.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

Gálatas 2:7

Ërei jae reta oikuaa ma Tumpa omee ko cheve amoërakua vaerä ñee ikavi vae judiombae vae reta pe, Pedro pe oñemee omoërakua vaerä ñee ikavi vae judío reta pe rami.

Colosenses 1:25

Tumpa etei cheapo jae jembiokuairä, che ayeokuai vaerä peve, jare amoërakua kavi vaerä peve opaete Tumpa iñee.

1 Tesalonicenses 2:4

Ërei Tumpa etei ko oreñono rogüɨraja vaerä ñee ikavi vae, jökorai ko oremiari; mbaetɨ romboyerovia vaerä kuimbae reta, jaeño Tumpa, oikuaa yandeyemongeta vae.

Filemón 1:14

Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.