1 Corintios 9:16 - Biblia Guarani Tumpa Iñee

¹⁶ Yepe tëi amoërakua ñee ikavi vae, ërei ngaraa ayemboete jókuae re. Echa yandeYa cheokuai amoërakua vaerä. ¡Këraita pa aiko mbaetɨ yave amoërakua ñee ikavi vae!

Nuevo Testamento Guaraní Pe

¹⁶ Yepe tei amombeu ñee icavi vae, erei mbaeti etei añemboete. Echa ñandeYa cheócuai amombeu vaera. Mbaeti yave amombeu ñee icavi vae, güɨramoi mbae icavi mbae vae oyeapota cheve.

1 Corintios 9:16 ပူးပေါင်းရင်းမြစ်များ

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

JEREMÍAS 20:7

CheYa Tumpa, nde ko chembotavɨ, jare che chetavɨ; nepɨ̈rata yae chegüi jare chemoamɨri. Ara ñavo cheyóyai yóyai reta vae; opaete vae opuka cheré.

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

AMÓS 7:15

Ërei yandeYa ko chereenɨi mɨmba reta jaɨkue aguata vae güi, jare jei cheve: “Ekua jare emombeu cheñee Israel pe, tëta chembae vae.”

San Mateo 25:16

Jayave jókuae pandepo talento omboresive vae omboɨpɨ omombaravɨkɨ, jare jökorai omoïru ye pandepo.

San Lucas 9:62

Ërei Jesús jei chupe: —Ombaeara vae mbaetɨ ko omae jaɨkue kotɨ. Jókuae nunga ngaraa ikavi Tumpa iporookuaía peguarä.

Hechos 4:20

Echa ore romombeu ñotai ko roecha jare roendu vae.

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Hechos 9:6

Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

Romanos 1:14

Echa chepía ko Cristo pe ayeokuai vaerä griego reta jare griegombae vae reta pe, iyarakuaa vae reta jare iyarakuaambae vae reta pe.

Romanos 15:17

Jáeramo chepuere ayemboete Cristo Jesús re. Tumpa peguarä ambaeapo vae re.

Romanos 4:2

Echa Abraham oyembojupi yave mona oyapogüe rupi, oyemboeteta tëi ko. Ërei mbaeä eteita Tumpa jóvai.

1 Corintios 4:15

Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

1 Corintios 9:12

Ïru vae reta viña pa jupi oyemborɨuka vaerä peve, vɨtei pa ore. Ërei mbaetɨ roiporu jókuae jupi ko pe reta oremborɨ vaerä tëi vae. Opaete rogüɨropɨa, agüɨye vaerä romboavai ñee ikavi vae Cristo regua.

1 Corintios 9:14

Jökorai ko yandeYa oyókuai ïru vae reta omborɨ vaerä ñee ikavi vae omoërakua vae reta.

2 Corintios 2:12

Jare che aja aväe yave Troas pe amoërakua vaerä ñee ikavi vae Cristo regua, yepe tëi oyepea cheve tape aparavɨkɨ vaerä chupe,

Colosenses 4:17

Pere Arquipo pe toñemoäta ngatu, oyapo vaerä mbaravɨkɨ yandeYa omee chupe vae.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.