1 Corintios 9:15 - Biblia Guarani Tumpa Iñee

¹⁵ Ërei che mbaetɨ etei kia chemborɨ vae. Mbaetɨ vi kuae aikuatía vae rupi aiporu aï peve chemborɨ vaerä. ¡Ikavi ko amano kia chemborɨmbae reve, echa jókuae ko jae cheyerovia!

Nuevo Testamento Guaraní Pe

¹⁵ Erei che mbaeti etei aipota iru vae reta omboepɨ vaera cheve. Mbaeti vi aicuatía cuae mbaembae peve, pe reta pemboepɨ vaera cheve. Ayerovia cuae chepuere jae peve vae re. Icavi yae co amano vaera pe reta pemboepɨ cheve vaeragüe.

1 Corintios 9:15 ပူးပေါင်းရင်းမြစ်များ

San Mateo 18:6

“Kia nunga vae mbaemboavai oñono michia güɨrovia cheré vae pe vae, ikavi ko oñeapɨti iyayu re metei ita tuicha vae mburika pegua oyembaeso pɨpe vae, javoi oyemombo ɨguasu tɨpɨa pe.

Hechos 18:3

Jare Pablo oikatu oyapo Aquila iparavɨkɨ ramo, opɨta jae reta ndive, jare oparavɨkɨ päve reta. Jae reta ko o asoya pegua iyapoa.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 20:33

Mbaetɨ aipota amae ïru vae ikorepoti, ioro ani jemimonde re.

Hechos 20:34

Pe reta peikuaa katu ko kërai chepo pe etei aparavɨkɨ, mbaembae oata cheve vae anoi vaerä, jare amee vaerä cheïru reta pe.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

1 Corintios 4:12

Orekangɨ ore etei roparavɨkɨ. Ïru vae reta oyepopeyu oreré, ërei ore royerure jese reta. Ïru vae reta oyapo ikavimbae vae oreve, ërei ore rogüɨropɨa.

1 Corintios 9:12

Ïru vae reta viña pa jupi oyemborɨuka vaerä peve, vɨtei pa ore. Ërei mbaetɨ roiporu jókuae jupi ko pe reta oremborɨ vaerä tëi vae. Opaete rogüɨropɨa, agüɨye vaerä romboavai ñee ikavi vae Cristo regua.

1 Corintios 9:18

Jare jekovia cheve vae jae ko amoërakua ñee ikavi vae akovarambae reve vae. Amoambekombae reve jupi ko chemborɨ vaerä tëi ñee ikavi vae amoërakua vae re.

1 Tesalonicenses 2:9

Cherɨvɨ reta, pemaendúa kërai täta roparavɨkɨ jare royemoambeko. Roparavɨkɨ ara rupi jare pɨ̈tu rupi ave, agüɨye vaerä pomoambeko mbae re, romombeu ramboeve peve Tumpa iñee ikavi vae.

2 Tesalonicenses 3:8

mbaetɨ vi rokaruiño, romboepɨmbae reve, jaeño täta roparavɨkɨ jare royemoambeko ara rupi jare pɨ̈tu rupi, agüɨye vaerä pomoambeko mbae re.