1 Corintios 9:1 - Biblia Guarani Tumpa Iñee

¹ Che ko temimondo, chepuere ayapo cheve ikavi vae. Che aecha ko yandeYa Jesús. Pe reta etei ko jae cherembiapo yandeYa re.

Nuevo Testamento Guaraní Pe

¹ Che vi chepuere ayapo che aipota vae rupi. Echa che co jae metei temimondo. Che aecha ñandeYa Jesús. Jare pe reta perovia ñandeYa re che aparavɨquɨ chupe rambue.

1 Corintios 9:1 ပူးပေါင်းရင်းမြစ်များ

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Hechos 14:14

Ërei temimondo reta kuae oikuaa yave, omondoro reta jemimonde, jare oike yatɨ vae reta ipɨte pe, jare iñeeäta reve jei chupe reta:

Hechos 14:4

Ërei tëta guasu pegua reta oyemboyao oyougüi. Amogüe oñemoïru judío reta ndive, jare amogüe oñemoïru temimondo reta ndive.

Hechos 23:11

Jare pɨareve pe pɨ̈tu yave yandeYa oyekuaa Pablo pe jare jei chupe: “Eñemoäta ngatu, Pablo. Chemombeu Jerusalén pe rami, nemiarita vi cheregua Roma pe.”

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Hechos 9:17

Jayave ojo Ananías oike o Saulo oïa pe. Jare oñono ipo jese jare jei chupe: —Tëtara Saulo, yandeYa Jesús oyekuaa ndeve, reyu ramboeve tape rupi vae, chembou reecha ye vaerä, jare netɨnɨe vaerä Espíritu Santo pe.

Hechos 9:3

Ërei köiño ma Damasco güi ojo yave, güɨramoiño jembipe Saulo re metei tembipe tuicha vae ara güi.

Hechos 9:5

Jayave Saulo oparandu: “¿Kia pa ko nde, cheYa?” Jayave ñee jei chupe: “Che ko jae Jesús. Nde reñemopüa ikotɨ vae. Nde ko jae metei güeye ɨvɨra jakuarovi vae re opatara vae rami.”

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Romanos 11:13

Pe judiombae vae reta pe ko chemiari aï. Echa che ko jae Temimondo judiombae vae reta pe. Amboete yae ko kuae cheparavɨkɨ Cristo omee cheve vae;

1 Corintios 1:1

Che Pablo, Tumpa cheparavo jemimbota rupi aiko vaerä Jesucristo jemimondorä. Cherɨvɨ Sóstenes ndive,

1 Corintios 10:29

Chemiari ko aï ïru vae ipɨa pe oyemongeta jese vae re, pereta pepɨa pe peyemongeta jese vae reä. Ërei güɨramoi pere körai: “¿Maera ra chepuereä jau soo ïru vae oyemongeta kaviä jese vae jeko pegua?

1 Corintios 10:30

Echa che amee ko yasoropai Tumpa pe cherembíu re. Jáeramo ¿maera pa iñeenguruta chekotɨ jókuae Tumpa pe amee yasoropai jese vae re?”

1 Corintios 11:16

Ërei oime yave kia oipota oyoaka kuae re vae, toikuaa kërai ore ani oporogüɨrovia vae reta Tumpa imbae reta mbaetɨ ko jökorai orereko.

1 Corintios 3:6

Che amaetɨ, Apolos omboɨu, ërei Tumpa etei ko ombokuakuaa temitɨ.

1 Corintios 9:19

Jáeramo mbaetɨ kia pe ave chepía cheokuai vaerä. Ërei ayeapo opaete vae jembiokuairä, jeta vae güɨrovia vaerä Cristo re.

2 Corintios 10:7

Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

2 Corintios 11:5

Ërei che jókuae temimondo añetembae tuichagüe reta güi, mbaetɨ ko ayandu chemichi yae.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 1:1

Che Pablo, temimondo (mbaetɨ kuimbae reta cheparavo ani chemondo, jaeño Jesucristo, jare yandeRu Tumpa omoingove ye Jesucristo omanogüe reta ipɨte güi vae),

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

1 Tesalonicenses 2:6

Mbaetɨ ko roeka kuimbae reta oremboete vaerä, pegüi reta ani ïru reta güi. Ërei orepuere viña Cristo jemimondo jeko pegua.

1 Timoteo 2:7

Jare yandeYa cheparavo amombeu vaerä kuae regua. Jae cheapo jemimondorä, amboe vaerä judiombae vae reta mborogüɨrovia re jare añete vae re. Kuae che jae peve vae añete vae ko. Cristo jee re mbaetɨ ko cheapu.

2 Timoteo 1:11

Jokuaerä Tumpa cheparavo amoërakua vaerä, temimondorä jare amboe vaerä judiombae vae reta.