1 Corintios 8:9 - Biblia Guarani Tumpa Iñee

⁹ Ërei peyeandu agüɨye vaerä jókuae peu vae rupi pembogüɨapiuka mbaetɨ ipɨ̈rata iporogüɨrovia pe vae.

Nuevo Testamento Guaraní Pe

⁹ Pepuere peu jocuae nunga soo. Erei peñeandu agüɨye vaera cuae peyapo vae rupi jocuae mbaeti ipɨrata iporogüɨrovia re vae oyapo mbae icavi mbae echa chupe vae.

1 Corintios 8:9 ပူးပေါင်းရင်းမြစ်များ

ISAÍAS 35:3

Pemomɨ̈rata ipɨtu vae reta. Pemoäta ngatu ikangɨ vae reta.

ISAÍAS 57:14

Jayave oyeenduta jei: “Peyapo kavi jare pemboipe tape, pembosɨrɨ tape güi mbae oporomboavai vae reta, chembae vae reta oasa vaerä.”

EZEQUIEL 14:3

“Nde kuimbae, kuae kuimbae reta oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño. ¿Amaeñota yera oparandu reta mbae re cheve?

EZEQUIEL 44:12

Oyeokuai reta tumpa-raanga reta jare oyavɨuka reta Israel iñemuña reta pe jeko pegua. Jáeramo jae cheree re ae ikotɨ reta, toiporara reta iyoa re ae.

LEVÍTICO 19:14

Agüɨye peyepopeyu iyapɨsambae re. Agüɨye peñono jesambae japerä pe mbae, oyepɨaka jese vaerä. Peipoɨu peTumpa güi. Che ko peYa.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

Romanos 15:1

Jayave yande ñanepɨ̈rata yandeporogüɨrovia pe vae, yaropɨa ipɨtu iporogüɨrovia pe vae reta, jare agüɨye yandeño yayemboyerovia.

1 Corintios 10:24

Agüɨye kia toeka chupe jaekavita vaeño, jaeño jaekavita ïru pe vae.

1 Corintios 10:28

Ërei kia jei yave peve: “Kuae mɨmba ko omee tumpa-raanga reta pe vae.” Agüɨye peu omombeu peve vae jeko pegua jare agüɨye vaerä pepɨa pe peyemboeko. Echa kuae ɨvɨ jare opaete mbaembae oï pɨpe vae yandeYa imbae ko.

1 Corintios 10:29

Chemiari ko aï ïru vae ipɨa pe oyemongeta jese vae re, pereta pepɨa pe peyemongeta jese vae reä. Ërei güɨramoi pere körai: “¿Maera ra chepuereä jau soo ïru vae oyemongeta kaviä jese vae jeko pegua?

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 8:10

Echa güɨramoi amogüe ndererovia katu vae ndereecha reguapɨ reï tumpa-raanga oïa pe yave, güɨramoi jae mbaetɨ ipɨ̈rata iporogüɨrovia pe yave remokɨ̈reɨta jou vaerä soo oñemee tumpa-raanga reta pe.

1 Corintios 8:12

Jáeramo jökorai peyoa mbaetɨ ipɨ̈rata iporogüɨrovia pe vae kotɨ vae rupi, peyoa Cristo kotɨ.

1 Corintios 9:22

Mbaetɨ ipɨ̈rata iporogüɨrovia pe vae reta ndive aï yave, che aiko vi jae reta rami, jae reta vi güɨrovia vaerä Cristo re. Ayeapo opaete vae pe jae reta rami, opaete vae oyemboasauka vaerä.

2 Corintios 11:21

Yepe tëi chemara jae vaerä, ¡ore reta mbaetɨ orepuere jökorai roiko! Ërei ïru vae reta oipoɨuä oyemboete yave, che vi ayemboete aipoɨumbae reve yepe tëi mbokere.

2 Corintios 11:29

Kia imbaerasɨ yave, che vi aiporara. Kia oporombogüɨapiuka vae yave, che vi chearasɨ ikotɨ.

2 Corintios 6:3

Jekuaeño roiko kavi, agüɨye vaerä kia romboavai. Agüɨye vaerä oreparavɨkɨ kotɨ kia jei mbae ikavimbae.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Colosenses 2:8

Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨ pegua yemboe reta, mbaetɨ oyeko reta Cristo re.

1 Pedro 2:16

Agüɨye peiko oyepɨɨgüe rami, ërei yeyora pe peï agüɨye peiporu ikavimbae vae peyapo vaerä, jaeño Tumpa pe peyeokuai.

2 Pedro 2:19

Jókuae reta güɨrökuavee chupe reta yeyora, ërei jae reta etei ikavimbae vae jembiokuai reta ko. Echa mbaepuere güɨnoi yanderé vae ñanerenoi ipo igüɨ pe.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.