1 Corintios 8:4 - Biblia Guarani Tumpa Iñee

⁴ Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

Nuevo Testamento Guaraní Pe

⁴ Jayave ñañemongueta soo oñererocuavee tumpa-raanga pe vae re. Yaicuaa co tumpa-raanga mbaeti etei güɨnoi tecove. Jare yaicuaa vi Tumpa meteiño co.

1 Corintios 8:4 ပူးပေါင်းရင်းမြစ်များ

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

ISAÍAS 37:16

“CheYa Imbaepuere yae ete vae, Israel iTumpa, araɨgua reta querubín iä ipäu pe oiko vae, ndeño ko jae opaete mburuvicha guasu reta ɨvɨ pegua juvicha guasu; nde ko reyapo ara jare ɨvɨ.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

ISAÍAS 41:24

¡Mase, pe reta mbaeä etei ko, mbaetɨ etei mbae pepuere peyapo! Pɨ̈chɨi yae ko, jókuae peparavo iyeupe vae.

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 10:14

Opaete kuimbae reta yarakuaambae ko. Tumpa-raanga omondɨkui oyapo vae oñemomaraiukata opɨta, echa ko jembiapo reta oporombotavɨ, mbaetɨ jekove;

San Marcos 12:29

Jesús jei chupe: —Mborookuai tenondegua ete jae ko kuae: “Israel, eyeapɨsaka. YandeYa Tumpa, jaeño ko Tumpa.

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 19:26

Jare peecha jare peyandu ma kërai kuae Pablo omboyerova jeta vae Efeso pe jare opaete seri Asia rupi jae iporomboe pe, jei reve: ‘Kuimbae reta oyapo vae tumpa retaä ko.’

1 Corintios 8:1

Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.

1 Corintios 8:10

Echa güɨramoi amogüe ndererovia katu vae ndereecha reguapɨ reï tumpa-raanga oïa pe yave, güɨramoi jae mbaetɨ ipɨ̈rata iporogüɨrovia pe yave remokɨ̈reɨta jou vaerä soo oñemee tumpa-raanga reta pe.

1 Corintios 8:11

Jare nde ndearakuaa rupi kavi reï joko pe vae rupi okañɨta mbaetɨ ipɨ̈rata iporogüɨrovia pe vae, jese Cristo omano vae.

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

Efesios 4:6

metei Tumpa opaete vae Tu, jae ipo pe oï opaete mbaembae, oï opaete rupi jare opaete vae re.

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

DEUTERONOMIO 6:4

Peendu Israel iñemuña reta: YandeYa Tumpa, meteiño ko.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Judas 1:25

Tumpa jaeño vae jare yarakuaa vae, Yandemboasa vae pe toñemee mbaemboete, yembotuicha jare mbaepuere, añave jare jekuaekuae avei rupi. ¡Amén!