1 Corintios 8:1 - Biblia Guarani Tumpa Iñee

¹ Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.

Nuevo Testamento Guaraní Pe

¹ Añave taicuatía peve soo oñererocuavee tumpa-raanga pe vae re. Añete co, opaete yaicuaa cuae regua. Yaicuaiño yave ñañemboete co, erei yayoaɨu yave ñañomomɨrata co.

1 Corintios 8:1 ပူးပေါင်းရင်းမြစ်များ

ISAÍAS 47:10

Ndepɨa güive reyapo reiko ikavimbae, reyemongeta mbaetɨ ko kia ndereecha vae. Ndearakuaa katu yae vae ndembotavɨ, reyemongeta ndepɨa pe, mbaetɨ yé kia ndegüi vae.

ISAÍAS 5:21

¡Peparavete!, pe reta peyererovia pearakuaa katu ko vae, peyeupe oime penoi arakuaa katu.

NÚMEROS 25:2

jókuae kuña reta oparea chupe reta yogüɨraja vaerä itumpa-raanga pe mbota omee retaa pe. Israel iñemuña reta okaru jare omboete jókuae tumpa-raanga reta,

Hechos 15:10

Jayave ¿maera pa peipota pemboavai Tumpa? Echa peñono oporogüɨrovia vae reta pe mbae yavaigüe, yande reta ani ñaneñemuñagüe reta ave mbaetɨ ipuere oyapo vae.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Hechos 21:25

Ërei roikuatía ma judiombae oporogüɨrovia vae reta pe agüɨye vaerä oyapo mborookuai. Jaeño agüɨye tou reta soo tumpa-raanga pe oñemee vae, jare mbaerugüɨ, jare mɨmba oyeyuvɨgüe isoo, jare agüɨye toyapo aguasa.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

Romanos 14:10

Nde ¿maera pa reyangao jayave nerëtara?, jare nde ¿maera pa reporogüɨröɨro? Echa opaete yande yayemboɨta Cristo jóvai, ñanejäa vaerä.

Romanos 14:14

Che aikuaa, jare arovia yandeYa Jesús re, kërai mbaetɨ etei ko mbae ikɨa iyeugüi aeño Tumpa jóvai vae. Ërei oime kia oyemongeta ikɨa ko Tumpa jóvai chupe vae yave, jökorai ko chupe.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Romanos 14:22

Mborogüɨrovia renoi vae, enoi ndeyé aeño Tumpa jóvai. Oyerovia ko, jókuae güɨrovia reve kavi mbae oyapo vae.

Romanos 14:3

Opaete mbae jou jouiño vae, agüɨye togüɨröɨro mbaetɨ mbae jou jouiño vae. Jare jókuae mbaetɨ mbae jou jouiño vae, agüɨye toyangao opaete mbae jou vae re. Echa Tumpa imbae ko.

Romanos 15:14

Cherɨvɨ reta, che etei pokuaa kavi yae, kërai pe reta pepɨakavi yae ko jare peikuaa jeta mbaembae. Jáeramo pepuere peyomboarakuaa.

1 Corintios 1:5

Echa Cristo rupi Tumpa omee peve opaete mbaembae, peñee ngatu vaerä jare pearakuaa katu vaerä.

1 Corintios 10:15

Kuae jae peve, pe iyarakuaa vae reta pe. Pe reta etei peecha añete ra kuae che jae peve vae.

1 Corintios 10:28

Ërei kia jei yave peve: “Kuae mɨmba ko omee tumpa-raanga reta pe vae.” Agüɨye peu omombeu peve vae jeko pegua jare agüɨye vaerä pepɨa pe peyemboeko. Echa kuae ɨvɨ jare opaete mbaembae oï pɨpe vae yandeYa imbae ko.

1 Corintios 14:20

Cherɨvɨ reta, agüɨye peyemongeta michia reta rami. Jaeño peiko michia rami ikavimbae oikuaambae rami. Ërei peyemongeta pe, okuakuaagüe oyemongeta rami.

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

1 Corintios 4:10

Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

1 Corintios 4:18

Ërei amogüe pepɨte pe oyembotuicha, oyemongeta ngaraa ma aja pépɨri ramo.

1 Corintios 4:6

Cherɨvɨ reta, kuae amombeu ma peve ambojaanga reve cheyé jare Apolos re, poaɨu ramo. Peyemboe vaerä kuae roechauka peve vae rupi agüɨye pepía oyekuatía oï vae güi. Agüɨye vaerä metei vaeño pembotuicha ïru vae güi.

1 Corintios 5:2

¡Jökorai reve peyembotuicha! Pepɨatɨtɨta tëi ko jókuae teko re, peekɨ vaerä pepɨte güi jókuae iyapoa.

1 Corintios 5:6

Mbaetɨ ko ikavi peyembotuicha peiko vaerä. ¿Mbaetɨ pa peikuaa jókuae mbɨyape imbovúa yepe tëi mbovɨ ërei ombovu opaete mbɨyaperä vae?

1 Corintios 8:2

Kia nunga vae ipɨa pe oikuaa yae ko iyeupe vae, oikuaaä vɨteriño ko mbae oikuaata tëi vae.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

1 Corintios 8:7

Ërei oime amogüe kuae regua oikuaambae vae. Echa jae reta omboete yepi tumpa-raanga reta, jare soo jou yave oyemongeta tumpa-raanga reta pe oñemeegüe ko. Jáeramo jou yave, oyemongeta ikavimbae ko oyapo oï. Echa mbaetɨ ipɨ̈rata iporogüɨrovia pe.

Efesios 4:16

Jese ko opaete jete jare opaete iyoapɨa pɨa oparavɨkɨ metei ramiño jare oyomborɨ päve iparavɨkɨ ae ae rupi, jökorai okuakuaa päve mboroaɨu pe.

Colosenses 2:18

Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.