1 Corintios 7:5 - Biblia Guarani Tumpa Iñee

⁵ Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

Nuevo Testamento Guaraní Pe

⁵ Pepuere vaera peyerure ɨma ngatu Tumpa pe, pepuere peyoeya, erei michi peguaño icaviño mócoi reve pe yave. Erei agüɨye peyoeya ete. Taɨcue rupi peya ye oyoe, agüɨye vaera Satanás pe peregua mbaeti ma yave pepuere peyeopia perete oipota vae güi.

1 Corintios 7:5 ပူးပေါင်းရင်းမြစ်များ

ÉXODO 19:15

Jei chupe reta: —Peyupavo kóeramo peguarä; agüɨye pepoko kuña re.

ÉXODO 21:10

Güɨreko ye ambuae kuña chugüi yave, agüɨye tomboata chupe tembíu, temimonde; agüɨye toeyaiño, echa imenda ïru ko.

JOEL 2:16

pemboatɨ tëta pegua reta, peñono tee kuae yemboatɨ, pemboatɨ ndechi reta, michia reta, jare michia okambu vɨteri vae reta, ¡omenda ramo vae reta topüa jupa güi!

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

San Mateo 17:21

Kuae nunga aña mbaetɨ ko oëiño, jaeño yerure rupi jare tembíu güi yekuaku rupi.

San Mateo 19:11

Ërei Jesús jei chupe reta: —Amogüeño ipuereta oikuaa kuae re. Tumpa omee oikuaa vaerä vae retaño ipuere oikuaa.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

1 Corintios 7:4

Kuña mbaetɨ ko güɨnoi mbaepuere jete re, ime ko güɨnoi mbaepuere. Jaeramiño vi kuimbae mbaetɨ ko güɨnoi mbaepuere jete re, jaeño jembireko.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.