1 Corintios 7:38 - Biblia Guarani Tumpa Iñee

³⁸ Jáeramo kuimbae omomenda tayɨ vae jaekavi ko oyapo. Ërei kuimbae mbaetɨ omomenda tayɨ vae, jaekavi yae ko oyapo.

Nuevo Testamento Guaraní Pe

³⁸ Jae rambue cuimbae omaeño tayɨ re omenda vaera vae icavi oyapo. Erei cuimbae mbaeti omaeño tayɨ re omenda vaera vae icavi yae oyapo.

1 Corintios 7:38 ပူးပေါင်းရင်းမြစ်များ

San Mateo 5:32

Ërei che jae peve, metei kuimbae omombo yave jembireko aguasa mbaetɨ tëi oyapo reve vae, omoëgua ko oyapo vaerä aguasa. Jare jókuae kuña oyemombogüe ndive omenda vae oyuvanga ko menda re.

1 Corintios 7:26

Ayemongeta jaekavi ko metei kuimbae opɨta vaerä añave oï ramiño, kuae ara reta pe yavai yae vae jeko pegua.

1 Corintios 7:37

Ërei ipɨa pe oyemongeta jaekavi jare jupi mbaetɨ vaerä omomenda tayɨ vae, jaekavi ko oyapo.

1 Corintios 7:39

Kuña omenda vae oñeapɨti ko oï, ime oikove oiko ramboeve. Ërei ime omano yave, ipuere omenda ye jae oipota vae ndive. Ërei tomenda oporogüɨrovia vae ndive.

1 Corintios 7:8

Jáeramo che jae jókuae jaegüɨrai vɨteriño vae reta pe jare imemano vae reta pe kuae, jaekavi tëi ko agüɨye vaerä omenda, che rami.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.