1 Corintios 7:35 - Biblia Guarani Tumpa Iñee

³⁵ Jare kuae che jae peve ikavi peve vaerä. Mbaetɨ ko jae poyopia vaerä menda güi. Jaeño aipota peyapo vaerä jupi vae jare jaekavi vae, pepuere vaerä peyeokuai yandeYa pe yemboavaimbae reve.

Nuevo Testamento Guaraní Pe

³⁵ Jare cuae che jae peve icavi peve vaera. Mbaeti etei aipota poopia menda güi. Jaeño aipota peyapo vaera jocuae icavi peyapo vaera vae, pepuere vaera peyeócuai ñandeYa pe peñemambeco mbae reve.

1 Corintios 7:35 ပူးပေါင်းရင်းမြစ်များ

San Mateo 19:12

Echa amogüe eunuco reta jökorai voi ma ichɨ güi oa güive. Ërei oime amogüe kuimbae reta oyapo eunuco retarä, jare amogüe vae yogüɨreko eunuco rami araɨgua mborookuaía jeko pegua. Oime yave kia ikɨ̈reɨ jökorai oiko, toiko jökorai.

San Mateo 22:15

Jayave fariseo reta oyomboatɨ, jare oyomboemboe kërai oyavɨuka vaerä Jesús pe, iñee rupi aeño.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

San Lucas 8:14

Jaeramiño vi jókuae temitɨ oñeotɨ yuu pɨte pe vae oyembojaanga Tumpa iñee oendu vae reta re. Ërei omboɨpɨ oyemoambeko ɨvɨ pegua mbaembae re jare oipota oikokatu vae re jare yerovia ɨvɨ pegua re. Jare opɨta reta temitɨ iambae rami.

1 Corintios 7:2

Ërei agüɨye vaerä oime aguasa, metei ñavo kuimbae togüɨnoi jembireko ae jare metei ñavo kuña togüɨnoi ime ae.

1 Corintios 7:28

Ërei omenda yave, mbaetɨ ko iyoa. Jaeramiño vi kuñatai omenda yave, mbaetɨ ko iyoa. Ërei omenda vae reta güɨnoita ko yemoambeko, jare che aipotaä tëi viña jökorai.

1 Corintios 7:36

Ërei amogüe vae oyemongeta tayɨ mbaetɨ jaekavi opɨta vaerä omendambae, ërei tayɨ oipota tëi omenda. Tomaeño tayɨ re omenda vaerä, jökorai yave, mbaetɨ ko iyoa.

Efesios 5:3

Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

Tito 2:3

Jaeramiño vi kuña okuakuaa vae reta tijeko kavi, agüɨye tiporoangaose, agüɨye tikause, toporomboe ikavi vae re;