1 Corintios 7:30 - Biblia Guarani Tumpa Iñee

³⁰ Jaeramiño vi ipɨatɨtɨ vae reta toiko mbaetɨ ipɨatɨtɨ vaeecha. Jaeramiño vi oyerovia vae reta toiko mbaetɨ oyerovia vaeecha. Jaeramiño vi ombaegua vae reta toiko mbaetɨ güɨnoi vaeecha.

Nuevo Testamento Guaraní Pe

³⁰ Jae ramiño vi mbaeti ma tiempo ipɨatɨtɨ vae reta oyaeo vaera. Jae ramiño vi mbaeti ma tiempo oyerovia vae reta opuca vaera. Jae ramiño vi mbaembae ogua vae reta mbaeti ma güɨnoi tiempo opa vaera oiporu imbaembae.

1 Corintios 7:30 ပူးပေါင်းရင်းမြစ်များ

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

ECLESIASTÉS 3:4

Oime ara, yayaeo vaerä, oime vi ara, yapuka vaerä. Oime ara, ñaporoäpiro vaerä, oime vi ara, yapɨrae vaerä.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 30:19

Sión pegua reta, Jerusalén ipo reta: Ngaraa ye ma peyaeo. Mboroparareko güɨnoi vae, pepararekota, oendu yave pesapúkai ikotɨ vae.

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

San Lucas 16:25

Ërei Abraham jei chupe: Cheraɨ, nemaendúa kërai nde reiko ɨvɨ pe yave, reyekou yepi jeta mbaembae re. Jökoraiño vi Lázaro oiko ɨvɨ pe yave, oiporara jeta ikavimbae vae. Ërei añave jae ipɨakatu oï kuae pe jare nde reiporara reï.

San Lucas 6:21

Peyerovia añave peyɨmbɨaɨ vae reta. Echa peangapɨɨta. Peyerovia añave peyaeo vae reta. Echa pepukata.

San Lucas 6:25

¡Paravete, pe añave peangapɨɨ vae reta!, echa peyɨmbɨaɨta. ¡Paravete, pe añave pepuka vae reta!, echa pepɨatɨtɨta jare peyaeota.

San Juan 16:22

Jaeramiño vi pe reta añave pepɨatɨtɨ, ërei poecha yeta, jare peyeroviata, jare ngaraa kia oekɨ pegüi peyerovia.

1 Corintios 7:29

Ërei che jae peve kuae, cherɨvɨ reta: Mbaetɨta ma ɨma yaiko vaerä. Jáeramo jembireko vae reta toiko mbaetɨ jembireko vaeecha.

1 Corintios 7:31

Jare kuae ɨvɨ pegua re oyekou vae reta toiko mbaetɨ oyekou vaeecha. Echa opaete mbaembae kuae ɨvɨ pegua opata ko.

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.

Apocalipsis 7:17

echa Vecha kuimbae taɨrusu vae jókuae guapɨa mbɨte pe oï vae oyangarekota jese reta jare güɨrajata omboɨu ɨ tekove pegua pe, jare Tumpa oyoeta jesaɨ chugüi reta.’ ”