1 Corintios 7:17 - Biblia Guarani Tumpa Iñee

¹⁷ Ërei metei ñavo toiko yandeYa omee chupe vae rupi. Metei ñavo toiko Tumpa oenɨi oyemboasauka vaerä yave oiko rami. Jare jökorai ayókuai opaete oporogüɨrovia vae reta.

Nuevo Testamento Guaraní Pe

¹⁷ Erei metei ñavo jecuaeño toyapo mbaravɨquɨ ñandeYa omee chupe oyapo vaera vae. Metei ñavo toico, Tumpa oeni oñemboasauca vaera yave oico rami. Jare jocorai ayócuai opaete oporogüɨrovia vae oñemboatɨatɨ vae reta.

1 Corintios 7:17 ပူးပေါင်းရင်းမြစ်များ

San Mateo 19:12

Echa amogüe eunuco reta jökorai voi ma ichɨ güi oa güive. Ërei oime amogüe kuimbae reta oyapo eunuco retarä, jare amogüe vae yogüɨreko eunuco rami araɨgua mborookuaía jeko pegua. Oime yave kia ikɨ̈reɨ jökorai oiko, toiko jökorai.

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 11:16

Ërei oime yave kia oipota oyoaka kuae re vae, toikuaa kërai ore ani oporogüɨrovia vae reta Tumpa imbae reta mbaetɨ ko jökorai orereko.

1 Corintios 11:34

Ërei oime yave kia iyɨmbɨaɨ, tokaru jëta pe, agüɨye vaerä peyemboatɨ peyemboekouka vaerä. Ïru mbaembae reta ayapokatuta aja pépɨri yave.

1 Corintios 14:33

echa Tumpa mbɨakatu pegua ko, mbaetɨ ko yembojopa pegua. Opaete oporogüɨrovia vae reta oyemboatɨa ñavo pe,

1 Corintios 16:1

Korepoti oyemboatɨ oporogüɨrovia vae peguarä vae peyapo Galacia pegua oporogüɨrovia vae reta ayókuai oyapo vaerä rami.

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

1 Corintios 7:18

Tumpa oenɨi oyemboasauka vaerä oyembocircuncidaukagüe vae yave, topɨta jökoraiño. Jaeramiño vi Tumpa oenɨi oyemboasauka vaerä oyembocircuncidaukambae vae yave, agüɨye toyembocircuncidauka.

1 Corintios 7:24

Cherɨvɨ reta, metei ñavo topɨta Tumpa oenɨi oyemboasauka vaerä yave oiko rami, jökorai toyeokuai Tumpa pe.

1 Corintios 7:7

Ërei ikavi viña opaete kuimbae reta yogüɨreko vaerä che aiko rami. Ërei metei ñavo pe Tumpa omee kërai yaiko vaerä; amogüe pe oñemee vae oyoavɨ ïru vae pe oñemee vae güi.

2 Corintios 11:28

Jare jeta ïru mbaembae, oime chemboyemongeta yae vae ko jae opaete oporogüɨrovia vae reta.

2 Corintios 8:18

Jare romondo jupíe orerɨvɨ, opaete rupi oporogüɨrovia vae reta imiari kavi jese vae. Echa jae omoërakua kavi ñee ikavi vae.

Gálatas 1:22

ërei Cristo re oporogüɨrovia vae reta Judea pegua mbaetɨ chekuaa reta.

1 Tesalonicenses 2:14

Echa pe cherɨvɨ reta, peiko ma oporogüɨrovia vae reta Judea pegua reta rami, echa peiporara ma perëtaɨgua reta güi, jae reta oiporara jëtaɨgua reta güi rami,

2 Tesalonicenses 1:4

Jáeramo ore oremiari kavi peré ïru oporogüɨrovia Tumpa re vae pe, pepɨaguasu, peporogüɨrovia jare peropɨa opaete tembiporara reta vae re.