1 Corintios 6:9 - Biblia Guarani Tumpa Iñee

⁹ ¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

Nuevo Testamento Guaraní Pe

⁹ Peicuaa co quirai jupi mbae vae reta ngaraa oico Tumpa iporoocuaia pe. Agüɨye peñembotavɨ. Aguasa oyapo vae reta, jare tumpa-raanga omboete vae reta, jare menda re oñuvanga vae reta, jare cuimbae oyoupi oyopota vae reta,

1 Corintios 6:9 ပူးပေါင်းရင်းမြစ်များ

GÉNESIS 19:5

Jare oenɨi reta Lot, jare jei reta chupe: —¿Jama pa jókuae kuimbae reta yogüeru kuae pɨ̈tu ndépɨri vae? Enoe oreve, orekɨ̈reɨ roikuaa.

ÉXODO 23:1

Agüɨye pemoërakua ndaye, agüɨye peñemoïru iyoa vae ndive, pemiari vaerä teko añetembae re.

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 22:8

Ikavimbae oyapo vae, ikavimbae rupi vi jekoviata chupe; yandeYa omokañɨteita, ichikote arasɨ pegua pe.

PROVERBIOS 7:27

Jëta jape, jae ko mano kotɨ oporogüɨraja vae.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

EZEQUIEL 18:11

tu mbaetɨ oyapo vae oyapo, ojo aretea pe oñemee yave mbaemboete ɨvɨtɨ re tumpa-raanga reta pe, oasa japicha jembireko ndive,

LEVÍTICO 18:20

Jaeramiño vi agüɨye kia nunga vae topoko japicha jembireko re. Agüɨye vaerä oyemongɨa jae ndive oyapogüe rupi.

LEVÍTICO 18:22

Agüɨye kia nunga vae toyapakua japicha kuimbae ndive, kuimbae oasa kuña ndive rami. Ikavimbae yae ko jókuae.

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

LEVÍTICO 20:13

Kia nunga vae oyapakua yave japicha kuimbae ndive, kuimbae oasa kuña ndive rami, echa ikavimbae yae vae ko oyapo reta; tomano opa reve; jae reta aeño ko jeko iyeupe imano re.

ZACARÍAS 5:3

Jayave jei cheve: “Kuae jae ko oyekuatía yoyavi yepopeyu outa opaete ɨvɨ pe vae, metei jovaicho oyekuatía vae pe jei: Opaete imonda vae oyemboaita, jare jovaicho re oyekuatía vae pe jei: Añetete rami mbae jei Tumpa jee re vae oyemboaita.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

Hechos 20:32

Añave cherɨvɨ reta, poeya Tumpa jare iñee ipɨakavi pegua pe. Echa kuae ñee güɨnoi mbaepuere pemomɨ̈rata jare omee peve pembaerä opaete jókuae oñeñono tee Tumpa peguarä vae reta ndive.

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Romanos 1:18

Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi.

1 Corintios 15:33

Agüɨye peyavɨ. Jeko kavimbae reta ndive ñañemoïru yave, güɨrokomegua yandereko kavi.

1 Corintios 15:50

Cherɨvɨ reta ërei kuae jae peve: Yanderete ɨvɨ pegua ngaraa oike Tumpa iporookuaía pe. Jaeramiño vi mbae oikomegua vae ngaraa oike oikomeguambae oïa pe.

1 Corintios 3:16

¿Mbaetɨ pa peikuaa pe reta ko jae Tumpa jo jare Tumpa iEspíritu oiko pepɨa pe vae?

1 Corintios 5:1

Jërakua oime pepɨte pe güɨreko ichɨraanga vae. Jókuae nunga aguasa mbaetɨ oporogüɨroviambae reta ipɨte pe.

1 Corintios 5:10

mbaetɨ ko poyókuai peyemboyao etei vaerä kuae ɨvɨ pe iyaguasa pota vae reta güi, ani imbaepotarai vae reta güi, ani imonda vae reta güi, ani itumpa-raanga pota vae reta güi. Echa jökorai yave, ngaraa pepuere peiko kuae ɨvɨ pe.

1 Corintios 5:11

Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

1 Corintios 6:18

Petekuarai aguasa güi. Oipotagüe ïru mbaeyoa peyapo vae peyapoä ko perete pe. Ërei aguasa peyapo yave, perete kotɨ etei ko peyoa.

1 Corintios 6:19

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko.

1 Corintios 9:24

¿Mbaetɨ pa peikuaa oñoñókuai vae reta osɨi opareve, ërei meteiño omongana vae? Pesɨi pemongana regua.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

Gálatas 6:7

Agüɨye peyembotavɨ. Tumpa oyeyóyai yoyaiukambae ko. Echa metei ñavo oyapogüe, jókuae ko oarɨvota.

DEUTERONOMIO 22:22

Kia nunga vae oyepokou oyapakua oï metei kuña omenda vae ndive yave, tomano mókoi reve, kuimbae jare kuña. Jökorai peekɨ ikavimbae Israel iñemuña reta ipɨte güi.

DEUTERONOMIO 22:5

Agüɨye kuña tomonde kuimbae jemimonde, ani kuimbae ave agüɨye tomonde kuña jemimonde, echa pɨ̈chɨi yae ko yandeYa Tumpa pe jókuae nunga oyapo vae.

DEUTERONOMIO 23:17

Agüɨye toime metei ave kuña iyaguasa pota vae ani kuimbae japicha ndive oasa vae Israel iñemuña reta ipɨte pe.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Hebreos 12:16

jare peyeandu agüɨye vaerä oï pepɨte pe aguasa oyapo vae, jare agüɨye vaerä oï pepɨte pe omboeteä oñeñono tee Tumpa peguarä vae, Esaú rami. Echa Esaú omee tembíu re membɨrɨpɨ yekou.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Santiago 1:16

Cherɨvɨ aaɨu vae reta, agüɨye pembaeyavɨ.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

JUECES 19:22

Ërei ovɨakatu yae ma ñogüɨnoi yave, mbovɨ kuimbae jeko ikavimbae jókuae tëta pegua reta oimama o, jare omboɨpɨ okua reta öke re, jare jei reta jókuae ndechi o iya pe: —¡Enoe kuimbae ndembouparä renoi vae! ¡Orekɨ̈reɨ mbae royapo chupe!