1 Corintios 6:10 - Biblia Guarani Tumpa Iñee

¹⁰ imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Nuevo Testamento Guaraní Pe

¹⁰ jare imonda vae reta, jare iru vae reta imbaembae oipota vae reta, jare osavaɨpogüe vae reta, jare oyepopeyu vae reta, jare iru vae reta güi imbaembae opɨro vae reta ngaraa oico Tumpa iporoocuaia pe.

1 Corintios 6:10 ပူးပေါင်းရင်းမြစ်များ

PROVERBIOS 7:27

Jëta jape, jae ko mano kotɨ oporogüɨraja vae.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

JEREMÍAS 7:11

¿Kuae o cheree oñeenɨi pɨpe vae, peve jae pa ko imonda vae reta iñemía? Opaete jókuae che aecha ko. Che peYa jae kuae.

EZEQUIEL 22:13

Akua akuata chepo re chearasɨ yae ndembaeyuvanga katu jare reporoyuka vae jeko pegua.

EZEQUIEL 22:27

Nderuvicha reta aguarayaɨmba reta rami oporoyuka, opɨyere reta tugüɨ, oporoyuka reta oyemboikokatu vaerä.

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

San Mateo 21:19

Jare oecha yave metei ɨva köiño tape güi ojo omae jese, ërei mbaetɨ oväe ia jese, joo katuaiño. Jare jei ɨva pe: —¡Ngaraa ye ma ndeía! Jare ɨva jupivei voi opa yɨpi.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

San Juan 12:6

Ërei mbaetɨ jei jökorai paravete vae reta omborɨ vaerä. Jei jökorai imonda ramo. Echa güɨnoi korepoti ïru vae reta omee chupe reta vae jɨru, jare oekɨ vɨari yepi korepoti iyeupeguarä.

Hechos 20:32

Añave cherɨvɨ reta, poeya Tumpa jare iñee ipɨakavi pegua pe. Echa kuae ñee güɨnoi mbaepuere pemomɨ̈rata jare omee peve pembaerä opaete jókuae oñeñono tee Tumpa peguarä vae reta ndive.

1 Corintios 15:50

Cherɨvɨ reta ërei kuae jae peve: Yanderete ɨvɨ pegua ngaraa oike Tumpa iporookuaía pe. Jaeramiño vi mbae oikomegua vae ngaraa oike oikomeguambae oïa pe.

1 Corintios 5:11

Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

1 Tesalonicenses 4:6

Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

1 Pedro 4:15

Ërei agüɨye metei ave pegüi reta toiporara oporoyuka ramo, ani imonda ramo, ani ikavimbae vae oyapo rami, ani oyemoingeiño teko ambuae pe ramo.