1 Corintios 5:7 - Biblia Guarani Tumpa Iñee

⁷ Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua pegua, omano ma yanderé.

Nuevo Testamento Guaraní Pe

^7-8 Ñamojaanga judío reta arete pascua jee vae pe oyapo vae. Echa judío reta omombo mbɨyape indechi vae levadura güɨnoi vae, jare arete oyapo yave jou mbɨyape ipɨau vae levadura mbaeti güɨnoi vae. Jae ramiño vi pe reta co jae mbɨyape ipɨau vae levadura mbaeti güɨnoi vae rami. Jae rambue agüɨye mo yayapo icavi mbae vae yayapose vae. Echa Cristo oyeyucauca ñanderé, pascua pe maemɨmba reta oyeyucauca oñererocuavee vaera Tumpa pe rami. Jae rambue jecuaeño yayapo icavi vae añete vae rupi.

1 Corintios 5:7 ပူးပေါင်းရင်းမြစ်များ

ÉXODO 12:15

Chiu ara peuta mbɨyape oyembovumbae; jare tenondegua ara güive mbaetɨta peiporu mbɨyape imbovúa pero rupi; echa kuae Israel iñemuña reta ipɨte pe kia nunga vae jou yave mbɨyape oyembovugüe tenondegua ara güive chiúa ara rupi vae toyemombo ete kavi Israel iñemuña reta ipɨte güi.

San Mateo 13:33

Jesús jekuae imiari ye ombojaanga reve. Jei: “Araɨgua mborookuaía, mbɨyape imbovúa rami ko. Kuña omboyea jókuae mbɨyape imbovúa veinte kilo trigokúi ndive yave, opaetei ombovu vae rami ko.”

San Marcos 14:12

Jare jókuae tenondegua ara arete pe, judío reta omboɨpɨ jou mbɨyape oyembovumbae vae yave, oyuka reta vecha kuimbae taɨrusu vae Pascua peguarä yave, jemimboe reta jei chupe: —¿Kia pe pa reipota roñono kavi vecha kuimbae taɨrusu vae isoo Pascua pegua reu vaerä?

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 1:36

Jare oecha Jesús oasa jokoropi yave jei: —Mase, kuae ko jae Tumpa iVecha kuimbae taɨrusu vae.

San Juan 19:14

Jare jókuae ara judío reta oyeapokatu ñogüɨnoi Pascua peguarä, jare ara mbɨte seri ma. Jayave Pilato jei judío reta pe: —Ko oï peruvicha guasu.

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

1 Corintios 10:17

Yepe tëi mbɨyape meteiño jare yande reta jeta, ërei metei jeteño ko, echa jókuae metei mbɨyape güiño opaete vae yau.

1 Corintios 5:13

Tumpa ko ojäata jókuae oporogüɨroviambae vae reta. Jáeramo peekɨ pepɨte güi jókuae ikavimbae iyapoa.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Apocalipsis 5:12

jare jei reta iñeeäta reve: “Vecha kuimbae taɨrusu vae oyeyukauka vae jupi ko güɨnoi vaerä mbaepuere, mbaeyekou, arakuaa, mɨ̈rata, yemboete, yemboetea jare mbaemboete.”