1 Corintios 5:2 - Biblia Guarani Tumpa Iñee

² ¡Jökorai reve peyembotuicha! Pepɨatɨtɨta tëi ko jókuae teko re, peekɨ vaerä pepɨte güi jókuae iyapoa.

Nuevo Testamento Guaraní Pe

² Agüɨyeta tei peñemboete mbae re. Pemara yaeta tei ma cuae re. Pemombota tei pepɨte güi jocuae cuimbae jocorai oyapo vae.

1 Corintios 5:2 ပူးပေါင်းရင်းမြစ်များ

2 REYES 22:19

jare reyembopɨatɨtɨ jare reñemomichi cheróvai reendu ramboeve kuae tëta regua jare pɨpegua reta kotɨ jae vae, echa opata oñemokañɨtei, jare yogüɨrekota susere rupi vae yave, nde remondoro nderemimonde ndepɨatɨtɨ güi jare reyaeo cheróvai, jare che aendu vi ndeve. Jáeramo che amee,

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

NÚMEROS 25:6

Ërei ngatu metei kuimbae Israel iñemuña reta pegua güeru metei kuña Madián pegua jëtara reta ipɨte pe, Moisés jare opaete Israel iñemuña reta jovake, jae reta oyaeo ramboeve tupao guakapi pegua jöke pe.

1 Corintios 4:18

Ërei amogüe pepɨte pe oyembotuicha, oyemongeta ngaraa ma aja pépɨri ramo.

1 Corintios 5:13

Tumpa ko ojäata jókuae oporogüɨroviambae vae reta. Jáeramo peekɨ pepɨte güi jókuae ikavimbae iyapoa.

2 Corintios 12:20

Aipoɨu aja ye yave pépɨri, güɨramoi aechata mbaetɨ peiko che aipota rami, jare güɨramoi pe reta chereechata mbaetɨ peipota rami. Aipoɨu peyoaka oyoupii, peakatúä oyoe, peyomboarasɨ, peyemboyao oyougüi, peñeeasɨ katu oyoupe, peñeenguru oyoupe, pɨapochɨ, tekorai.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.