1 Corintios 4:5 - Biblia Guarani Tumpa Iñee

⁵ Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

Nuevo Testamento Guaraní Pe

⁵ Jae rambue agüɨye ñaporojaa añave. Pearo ñandeYa ou ye regua. Echa jae güeruta tembipe opaete mbaembae añave oñemi pɨtumimbi pe vae oyecuaa cavi vaera. Echa ñandeYa oicuaucata opaete vae iñemongueta. Jayave Tumpa omboeteucata metei ñavo.

1 Corintios 4:5 ပူးပေါင်းရင်းမြစ်များ

JOB 12:22

Jae oikuaauka yaikuaa rapembae vae, güɨnoe tembipe pe yavai yae vae.

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 12:14

Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.

JEREMÍAS 16:17

Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

San Mateo 10:26

Jáeramo, agüɨye pekɨɨye chugüi reta. Echa, oyekuaa ñotai ko oñeomi vae. Jare yaikuaa ñotai ko oyekuaambae.

San Mateo 24:30

Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

San Mateo 24:46

Oyerovia ko jókuae tembiokuai, iya ou ye oväe yave, oparavɨkɨ oï vae.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:23

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Lucas 6:37

Agüɨye pemboeko voi ïru vae, agüɨye vaerä peyemboekouka. Agüɨye peiporarauka voi ïru vae pe mbae re, agüɨye vaerä vi peiporara. Peɨ̈ro ïru vae pe, iñɨ̈ro vaerä vi peve vae.

San Juan 21:22

Jesús jei chupe: —Che aipota jae oiko vaerä che ayu ye regua yave, ¿maera pa reipota reikuaa? Nde eyu cherupíe.

San Juan 21:23

Jare opaete oporogüɨrovia vae reta oikuaa kuae Jesús jei vae, jare iyemongeta kuae temimboe mbaetɨta omano. Ërei Jesús mbaetɨ jei ngaraa omano. Jaeño jei: “Che aipota yave jae oiko vaerä che ayu ye regua, ¿maera pa reipota reikuaa?”

San Juan 5:44

Pepuereä etei peporogüɨrovia. Echa peipota jekuaeño ïru vae reta pembotuicha vaerä, ërei mbaetɨ peeka yembotuicha Tumpa jae vaeño vae oipota tëi penoi vaerä vae.

Romanos 14:4

Echa ¿kia pa nde reyangao vaerä ambuae vae jembiokuai? Echa iyaño ko ipuereta jei ikavi ko ani ikaviä ko oyapogüe. Ërei ikavita ko, echa yandeYa imbaepuere yae ko oñono kavi vaerä.

Romanos 2:1

Jáeramo nde kuimbae: “Mbaetɨ aikuaa” rere rapeä ko. Echa nde remboeko yave ïru vae, reyemboeko vi ko nde aeño, echa nde reporomboeko vae, teko iyapoa vi ko.

Romanos 2:16

jókuae ara Jesucristo rupi Tumpa ojäa yave, opaete kuimbae reta jembiapo oyekuaambae vae, ñee ikavi vae che amombeu vae rupi.

Romanos 2:29

Ërei judío añetete vae, ipɨa pe etei oï vae jeko pegua ko. Jaeramiño vi metei oyembocircuncidauka vae, ipɨa pe etei ko oyembocircuncida, Espíritu rupi, mbaetɨ oyekuatía oï vae jeko peguaño. Kuae nunga, Tumpa omboeteuka, yepe tëi ïru vae reta mbaetɨ omboete.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

1 Corintios 1:7

Jökorai agüɨye vaerä oata peve metei ave Espíritu Santo omee mbaepuere vae, peäro reve yandeYa Jesucristo ou ye regua.

1 Corintios 11:16

Ërei oime yave kia oipota oyoaka kuae re vae, toikuaa kërai ore ani oporogüɨrovia vae reta Tumpa imbae reta mbaetɨ ko jökorai orereko.

1 Corintios 11:26

Jökorai mbɨyape jare vino peu ñavo, pemoërakua ko yandeYa imano, jae ou ye regua.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

1 Corintios 3:14

O iguapɨka iárambo kia nunga vae omopüa vae mbaetɨ ókai yave, jekoviata chupe jókuae.

1 Corintios 3:8

Omaetɨ vae jare omboɨu vae oyovakeño ko. Yepe tëi Tumpa omboekoviata metei ñavo pe iparavɨkɨ oï rupi.

2 Corintios 10:18

Echa mbaetɨ ko tuicha, jae aeño oyembotuicha vae. Jaeño ko tuicha, yandeYa ombotuicha vae.

2 Corintios 10:9

Jáeramo agüɨye peyemongeta che aipota ko pomongɨɨye cherembikuatía reta rupi.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Santiago 4:11

Cherɨvɨ reta, agüɨye peñeenguru oyokotɨ. Kia iñeenguru jare ojäa jëtara vae, iñeenguru jare ojäa ko mborookuai. Ërei nde rejäa mborookuai yave, jaeä ko nde mborookuai jei vae iyapoa, jaeño ojäa vae.

Santiago 5:7

Jáeramo, cherɨvɨ reta, pepɨaguasu yandeYa ou ye regua. Mase, omaetɨ vae oäro ko mbaagüɨye ikavi vae; oäro ipɨaguasu reve tenondegua ama.

Santiago 5:9

Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Pedro 5:4

Jare Cristo oporogüɨrovia vae reta iyangarekoa reta Juvicha ou ye yave, omeeta peve äka-regua mbaemboete oikomeguambae vae.

2 Pedro 3:12

Peäro peipota yae reve Tumpa iporojäa iara. Echa jayave ara reta jendɨ reve opata oyemboai. Jare opaete mbaembae jendɨ reve tɨkuita.

2 Pedro 3:4

jei retata: “¿Kërai pa Cristo ou yeta vae regua? Echa ñaneñemuñagüe reta omano güive opaete mbaembae oyovakeño oï ɨvɨ Tumpa oyapo güive.”

Judas 1:14

Enoc jae ko chiu ñemuña pegua Adán güi vae, jae kuae reta re vi omoërakua, jei reve: “Mase, ko ou yandeYa jeta yae vae iaraɨgua reta ndive

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 20:12

Jare aecha omanogüe reta oyemboɨ ñogüɨnoi Tumpa jóvai, okuakuaa vae reta jare michia reta. Jare tembikuatía reta oyepea, jare oyepea ïru tembikuatía, jae ko tembikuatía tekove pegua. Jare omanogüe reta oñejäauka jembiapo reta tembikuatía reta pe oyekuatía oï rupi.