1 Corintios 4:19 - Biblia Guarani Tumpa Iñee

¹⁹ Ërei ajata ɨmambaeño pépɨri, yandeYa oipota yave. Jare aikuaata imbaepuere ra jókuae oyembotuicha vae reta ani iñeegüeño.

Nuevo Testamento Guaraní Pe

¹⁹ Erei ajata ɨmambaeño pepɨri, ñandeYa oipota yave. Jare aja yave, aicuaata mbae ipuere oyapo jocuae oñemboete vae reta. Ngaraa aparandu mbae ra jei reta.

1 Corintios 4:19 ပူးပေါင်းရင်းမြစ်များ

Hechos 18:21

Ërei jae oyupavoño chupe reta jei reve: “Ajata ñotai ko Jerusalén pe, ayapo vaerä arete oyearo ma oï vae. Ërei Tumpa oipota yave, ayu yeta pepɨ.” Jayave ojo barco pe Efeso güi.

Hechos 19:21

Kuae mbaembae oasa güire Pablo oñeñono ojo vaerä Jerusalén kotɨ opa omboapɨ yave Macedonia jare Acaya. Jare jei vi: “Joko güi ajata vi ko Roma pe.”

Hechos 20:2

Jare opa yave omboapɨ tëta reta omboarakuaa kavi reve oporogüɨrovia vae reta, ojo oväe ɨvɨ Grecia pe.

Romanos 15:32

jökorai vi ayerovia reve aja vaerä pépɨri Tumpa jemimbota ko yave, jare aputuu vaerä pépɨri.

1 Corintios 11:34

Ërei oime yave kia iyɨmbɨaɨ, tokaru jëta pe, agüɨye vaerä peyemboatɨ peyemboekouka vaerä. Ïru mbaembae reta ayapokatuta aja pépɨri yave.

1 Corintios 14:5

Che aipotaecha opaete pe reta pemiari vaerä ambuae ñee reta pe. Ërei aipota yae vae jae ko pemoërakua vaerä mbae maratuta vae re. Echa Tumpa güi omoërakua vae oyapɨraa ambuae ñee pe imiari vae; ërei ñee ambuae vae omombeu kavi mbae ra oipota jei vae yave, oporogüɨrovia vae reta pe omomɨ̈ratata.

1 Corintios 16:5

Jare che ajata pépɨri, Macedonia rupi aasa yave. Echa aasata ko Macedonia rupi.

1 Corintios 16:7

Mbaetɨ aipota poecha michi peguaño, aipota apɨta pépɨri ɨma pegua, yandeYa oipota yave.

1 Corintios 2:6

Ërei ore roiporu ñee arakuaa pegua ipɨ̈rata ma iporogüɨrovia pe vae reta ipɨte pe. Ërei mbaetɨ roiporu arakuaa ɨvɨ pegua ani ɨvɨ pegua mburuvicha reta iyarakuaa. Echa kuae mburuvicha reta opata ko.

1 Corintios 4:18

Ërei amogüe pepɨte pe oyembotuicha, oyemongeta ngaraa ma aja pépɨri ramo.

1 Corintios 4:6

Cherɨvɨ reta, kuae amombeu ma peve ambojaanga reve cheyé jare Apolos re, poaɨu ramo. Peyemboe vaerä kuae roechauka peve vae rupi agüɨye pepía oyekuatía oï vae güi. Agüɨye vaerä metei vaeño pembotuicha ïru vae güi.

2 Corintios 1:23

Jare ndeiño aja pépɨri, agüɨye vaerä añeengata peve, Tumpa oikuaa kuae amombeu peve vae añete ko.

2 Corintios 10:9

Jáeramo agüɨye peyemongeta che aipota ko pomongɨɨye cherembikuatía reta rupi.

Hebreos 6:3

Kuae yayapota, Tumpa oipota yave.

Santiago 4:15

Jáeramo pereta tëi körai: “YandeYa oipota yave, yaikota joko pe jare yayapota mbaembae.”