1 Corintios 4:15 - Biblia Guarani Tumpa Iñee

¹⁵ Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

Nuevo Testamento Guaraní Pe

¹⁵ Echa yepe tei jocuae pemboe Cristo re vae reta oyepapa diez mil, erei mbaeti co jeta peru. Echa che co jae peru mborogüɨrovia Cristo Jesús regua re. Echa che amombeu peve ñee icavi vae.

1 Corintios 4:15 ပူးပေါင်းရင်းမြစ်များ

NÚMEROS 11:12

¿Che pa ko jae tu ani ichɨ, rerajauka vaerä cheve, avoɨ vaerä araja michia raɨ okambu vae oyevoɨ rami, ɨvɨ rerökuavee nderee re iñemuñagüe reta pe vae pe?

Romanos 15:20

Jökorai, añeñono amombeu vaerä ñee ikavi vae, mbaetɨ etei oendu Cristo regua vae rupi, agüɨye vaerä amopüa ïru vae omopüa ma vae re,

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 15:1

Añave, cherɨvɨ reta, aipota pomomaendúa ñee ikavi vae amombeu peve vae re, jókuae perovia jese vae jare pepɨ̈rata jese vae;

1 Corintios 3:10

Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

1 Corintios 3:6

Che amaetɨ, Apolos omboɨu, ërei Tumpa etei ko ombokuakuaa temitɨ.

1 Corintios 3:8

Omaetɨ vae jare omboɨu vae oyovakeño ko. Yepe tëi Tumpa omboekoviata metei ñavo pe iparavɨkɨ oï rupi.

1 Corintios 9:12

Ïru vae reta viña pa jupi oyemborɨuka vaerä peve, vɨtei pa ore. Ërei mbaetɨ roiporu jókuae jupi ko pe reta oremborɨ vaerä tëi vae. Opaete rogüɨropɨa, agüɨye vaerä romboavai ñee ikavi vae Cristo regua.

1 Corintios 9:14

Jökorai ko yandeYa oyókuai ïru vae reta omborɨ vaerä ñee ikavi vae omoërakua vae reta.

1 Corintios 9:16

Yepe tëi amoërakua ñee ikavi vae, ërei ngaraa ayemboete jókuae re. Echa yandeYa cheokuai amoërakua vaerä. ¡Këraita pa aiko mbaetɨ yave amoërakua ñee ikavi vae!

1 Corintios 9:18

Jare jekovia cheve vae jae ko amoërakua ñee ikavi vae akovarambae reve vae. Amoambekombae reve jupi ko chemborɨ vaerä tëi ñee ikavi vae amoërakua vae re.

1 Corintios 9:23

Opaete kuae ayapo ñee ikavi vae jeko pegua, anoi vaerä vi pɨpe chembae.

2 Corintios 4:5

Ore roñemoñee yave, romombeu ko Jesucristo jae ko yandeYa vae; ore ko romae oreyé perembiokuai retaño, Jesús roaɨu ramo.

Gálatas 3:24

Jáeramo mborookuai yandeangarekoa rami ko, yandereraja vaerä Cristo pe, yandembojupi vaerä mborogüɨrovia rupi.

Gálatas 3:25

Ërei yaporogüɨrovia ma yave, mbaetɨ ma yaiko yandeangarekoa ipo pe,

Gálatas 4:19

Cheraɨ reta, jekuae oiporara ye peré, metei kuña imembɨrasɨ vae oiporara yae oï rami; Cristo etei oyekuaa regua peré.

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

Tito 1:4

Aikuatía kuae tupapire ndeve Tito, cheraɨ añetete vae mborogüɨrovia rupi: YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

Filemón 1:19

Chepo pe etei aikuatía ndeve kuae. Che tamboepɨ ndeve. Ërei chepuere romomaendúa kërai nde ndepía vi cheve ndeyé.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.