1 Corintios 4:14 - Biblia Guarani Tumpa Iñee

¹⁴ Mbaetɨ aikuatía körai pomomarai vaerä. Pomboarakuaa ko cheraɨ aaɨu vae rami.

Nuevo Testamento Guaraní Pe

¹⁴ Mbaeti aicuatía corai pomomarai vaera. Pe reta co jae cherɨvɨ aaɨu vae reta. Jae rambue corai pomboaracuaa.

1 Corintios 4:14 ပူးပေါင်းရင်းမြစ်များ

EZEQUIEL 3:21

Ërei jókuae kuimbae jupi vae remboarakuaa yave agüɨye vaerä iyoa, jare mbaetɨ iyoa yave, oikoveñota oiko, echa remboarakuaa; jare nde reroasayepeta nderekove.”

Hechos 20:31

Jáeramo peyeandu jare pemaendúa kërai mboapɨ año rupi cheresaɨ reve pomboarakuaa metei ñavo ara rupi jare pɨ̈tu rupi vae re.

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

1 Corintios 4:15

Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

1 Corintios 6:5

Körai jae pomomaraiuka vaerä. ¿Mbaetɨ pa ko metei ave iyarakuaa katu vae pepɨte pe ñeapo oñono kavi vaerä peve?

1 Corintios 9:15

Ërei che mbaetɨ etei kia chemborɨ vae. Mbaetɨ vi kuae aikuatía vae rupi aiporu aï peve chemborɨ vaerä. ¡Ikavi ko amano kia chemborɨmbae reve, echa jókuae ko jae cheyerovia!

2 Corintios 11:11

¿Maera pa körai jae? ¿Mbaetɨ ra poaɨu? ¡Tumpa oikuaa poaɨu ko!

2 Corintios 12:19

Güɨramoi peyemongeta kuae oremiari vae royeepɨ vaeräño ko. Ërei jökoraiä ko. Oremiari körai Tumpa jovake Cristo re rogüɨrovia ramo. Cherɨvɨ reta, royapo ko opaete kuae pepɨ̈rata vaerä peporogüɨrovia pe.

2 Corintios 7:3

Kuae mbaetɨ jae peve pomboeko vaerä. Echa che jae ma peve kërai ore pogüɨnoi avei orepɨa pe, yaikove ani ñamano regua.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

1 Tesalonicenses 2:11

Jare peikuaa vi ore pe ndive, metei kuimbae taɨ ñavo omboarakuaa jare pombopɨakatu rami ko.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

2 Tesalonicenses 3:14

Jare kia nunga vae mbaetɨ oyapo kuae roikuatía vae pe jei vae yave, pemae kavi jese, agüɨye peñemoïru jae ndive, imara vaerä.

Filemón 1:10

romoñera cheraɨ Onésimo re. Echa jae ayapo ma cheraɨrä yandeYa re tembipɨɨrɨru pe aï ramboeve.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

3 Juan 1:4

Añete ko, ayerovia yae aendu yave kërai cheraɨ reta jekuaeño yogüɨreko añete vae rupi.