1 Corintios 4:12 - Biblia Guarani Tumpa Iñee

¹² Orekangɨ ore etei roparavɨkɨ. Ïru vae reta oyepopeyu oreré, ërei ore royerure jese reta. Ïru vae reta oyapo ikavimbae vae oreve, ërei ore rogüɨropɨa.

Nuevo Testamento Guaraní Pe

¹² Jecuaeño orecanguɨ roparavɨquɨ orepo pe. Iru vae reta oyepopeyu oreré, erei ore royerure Tumpa pe oyapo vaera chupe reta icavi vae. Iru vae reta oyapo mbaembae icavi mbae vae oreve, erei ore orepɨaguasu chupe reta.

1 Corintios 4:12 ပူးပေါင်းရင်းမြစ်များ

San Mateo 5:11

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave.

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Lucas 6:28

Peñee kavi oyepopeyu peré vae reta kotɨ; peyerure Tumpa pe indaye pekotɨ vae reta re.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

Hechos 18:3

Jare Pablo oikatu oyapo Aquila iparavɨkɨ ramo, opɨta jae reta ndive, jare oparavɨkɨ päve reta. Jae reta ko o asoya pegua iyapoa.

Hechos 20:34

Pe reta peikuaa katu ko kërai chepo pe etei aparavɨkɨ, mbaembae oata cheve vae anoi vaerä, jare amee vaerä cheïru reta pe.

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Romanos 12:14

Peñee kavi, ikavimbae oyapo peve vae reta kotɨ. Peñee kavi, agüɨye peyepopeyu jese reta.

Romanos 12:20

Jayave, oyovaicho ndekotɨ vae iyɨmbɨaɨ yave, emee tokaru. Jare iɨuve yave, emee toɨu. Echa jökorai yave, jova pɨ̈tata imara güi.

Romanos 8:35

¿Kia ra yandembosɨrɨta Cristo iporoaɨu güi? ¿Tembiporara guasu ra, ani mbɨatɨtɨ, ani ïru vae reta oyapo ikavimbae vae yandeve vae, ani yɨmbɨaɨ, oata temimonde vae, ani manoɨvɨ ani mano?

1 Corintios 9:6

¿Peyemongeta pa jaeño che jare Bernabé mbaetɨ orepuere roputuu?

2 Corintios 11:8

Ïru oporogüɨrovia vae reta ko omboepɨ cheve ayeokuai vaerä peve.

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

1 Tesalonicenses 2:9

Cherɨvɨ reta, pemaendúa kërai täta roparavɨkɨ jare royemoambeko. Roparavɨkɨ ara rupi jare pɨ̈tu rupi ave, agüɨye vaerä pomoambeko mbae re, romombeu ramboeve peve Tumpa iñee ikavi vae.

2 Tesalonicenses 3:8

mbaetɨ vi rokaruiño, romboepɨmbae reve, jaeño täta roparavɨkɨ jare royemoambeko ara rupi jare pɨ̈tu rupi, agüɨye vaerä pomoambeko mbae re.

1 Timoteo 4:10

Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 4:19

Jáeramo Tumpa jemimbota rupi oiporara vae reta jekuaeño toñeñono Iyapoa jupi vae ipo pe, jare toyapo ikavi vae.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”