1 Corintios 4:10 - Biblia Guarani Tumpa Iñee

¹⁰ Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

Nuevo Testamento Guaraní Pe

¹⁰ Ore royeócuai Cristo pe rambue, iru vae reta orembojee imboquere vae reta. Erei pe reta peñemongueta pearacuaa catu co Cristo re. Ore co jae jeogüe vae reta rami, jare pe reta co jae ipɨrata vae reta rami. Pe reta peñemboeteuca iru vae reta pe, erei iru vae reta orereroɨro.

1 Corintios 4:10 ပူးပေါင်းရင်းမြစ်များ

2 REYES 9:11

Jaɨkue rupi Jehú oë ye juvicha imborɨa reta yatɨ ñogüɨnoia pe yave, jókuae reta oparandu chupe: —¿Maratu pa? ¿Maera pa ou omae nderé jókuae imbokere vae? Jehú jei: —Pe reta peikuaa ko jókuae kuimbae jare peikuaa vi iyemongeta.

PROVERBIOS 11:12

Arakuaa re oata vae, jei mbae japicha; ërei kuimbae oyeandu katu reve oiko vae mbaetɨ mbae jei.

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

San Mateo 24:9

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

San Mateo 5:11

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave.

San Lucas 10:16

Oyeapɨsaka peré vae oyeapɨsaka ko cheré. Ërei pereröɨro vae che ko chereröɨro. Jare chereröɨro vae chembou vae ko güɨröɨro.”

San Lucas 18:9

Jare Jesús oïa pe ñogüɨnoi amogüe oyererovia katu jupi ko jare oporogüɨröɨro vae reta. Jesús jei chupe reta ombojaanga reve:

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 17:32

Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Hechos 26:24

Jare Pablo jökorai oñemoe iyé yave, Festo iñeeäta reve jei: —¡Ndembokere ma Pablo! ¡Jeta yae reyemboe vae ndemombokere ma!

Hechos 9:16

Che aikuaaukata chupe kërai oiporara yaeta chereko pegua.”

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 1:25

Echa mbaetɨecha arakuaa Tumpa regua vae, oyapɨraa yé ko kuimbae reta iyarakuaa. Jaeramiño vi ipɨtu yaeecha Tumpa regua vae, oyapɨraa yé kuimbae reta imbaepuere.

1 Corintios 10:12

Jáeramo oyemongeta ipɨ̈rata ko iporogüɨrovia pe vae, toyeandu agüɨye vaerä ogüɨapi.

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.

1 Corintios 2:3

Jare pepɨte pe aï yave, ayembopɨtu jare arɨrɨi akɨɨye güi;

1 Corintios 3:18

Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.

1 Corintios 3:2

Amee ko peve michia necheño jou vae rami, mbaetɨ tembíu okuakuaagüe jou vae rami. Echa mbaetɨ vɨteri pepuere jare mbaetɨñota pepuere.

1 Corintios 4:8

Pe reta peangapɨɨ ma, peikokatu ma jare peiko ma mburuvicha nunga. Mbae mona peyeapo mburuvicha añetete vae retarä, ore vi roï vaerä pe reta ndive.

2 Corintios 10:10

Echa amogüe vae jei, cherembikuatía ipoɨ yae jare yavai oyeapo vaerä, jare che etei aï ípɨri yave mbaeä etei jare cheñee mbegüe.

2 Corintios 11:19

Pearakuaa katu tëi reve, peropɨa imbokere vae reta.

2 Corintios 11:29

Kia imbaerasɨ yave, che vi aiporara. Kia oporombogüɨapiuka vae yave, che vi chearasɨ ikotɨ.

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

2 Corintios 4:12

Jáeramo ore reta romano vaerä roiko, pe reta penoi vaerä tekove.

2 Corintios 6:8

oremboete vae, orereröɨro vae, oremoërakua pɨ̈chɨi vae, oremoërakua kavi vae, iyapu vae rami oreapo, yepe tëi oremiari añete vae,

1 Tesalonicenses 4:8

Jáeramo, kia güɨröɨro yave oreporomboe, güɨröɨro ko Tumpa, jókuae omee yandeve Espíritu Santo vae.

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.