1 Corintios 3:9 - Biblia Guarani Tumpa Iñee

⁹ Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

Nuevo Testamento Guaraní Pe

⁹ Echa ore roparavɨquɨ roico Tumpa ndive. Pe reta co jae temitɨ Tumpa ico pe ñogüɨnoi vae reta rami. Jae ramiño vi pe reta co jae metei o Tumpa oyapo oi vae rami.

1 Corintios 3:9 ပူးပေါင်းရင်းမြစ်များ

SALMOS 118:22

O iyapoa reta güɨröɨro ita vae, ou opɨta o ekina iguapɨkarä.

SALMOS 72:16

¡Metei poagua oñeotɨ trigo ɨvɨ pe, jare ɨvɨtɨ guasu reta rupi vae! ¡Ia jeta yaeta Líbano pe ɨvɨra jeta rami! ¡Tëta guasu pegua reta tijeta, ñana jeta rami!

PROVERBIOS 9:1

Arakuaa katu oyapo jorä, omopöra chiu okɨta pe;

ISAÍAS 32:20

ërei pe reta peyekou aveita, oime aveita pemoäkɨ vaerä peremitɨ reta, jare pemburika jare peguaka reta jembíu katu aveita.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

ISAÍAS 61:5

Ketɨgua reta oyangarekota pevecha reta re, jare peko reta rupi jare peuvarupa reta rupi oparavɨkɨ retata peve.

JEREMÍAS 2:21

Che ko roñotɨ uva iyɨpɨ ikavi yae vae rami, temitɨ uva opaete güi ikavi yae vae rami, ¡ërei reikomegua, uva ikavimbae repɨta!

San Mateo 15:13

Jayave Jesús jei chupe reta: —Opaete temitɨ reta cheRu ara pe oï vae jaeä oñotɨ vae oyeapomondorota ko.

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Mateo 9:37

Jayave Jesús jei jemimboe reta pe: —Jeta yae ko oyearɨvo vaerä. Ërei mbovɨ yae ko oparavɨkɨ vae reta.

San Marcos 16:20

Jare jemimboe reta yogüɨraja omoërakua Tumpa Iñee opaete kerupi. Jare yandeYa omborɨ, jare omoañete jemimboe reta iñee mɨakañɨ reta rupi. Amén.

Hechos 4:11

Kuae Jesús ko jae ita, pe o iyapoa reta peröɨro vae, ërei jae ou opɨta o ekina iguapɨkarä.

1 Corintios 3:16

¿Mbaetɨ pa peikuaa pe reta ko jae Tumpa jo jare Tumpa iEspíritu oiko pepɨa pe vae?

1 Corintios 3:6

Che amaetɨ, Apolos omboɨu, ërei Tumpa etei ko ombokuakuaa temitɨ.

1 Corintios 6:19

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Colosenses 2:7

tätagüe peñemomɨ̈rata Cristo re peporogüɨrovia rupi, echa jökorai ko peyemboe. Jekuaeño pemee reve yasoropai Tumpa pe.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

3 Juan 1:8

Jáeramo ikavi ko yande yamboresive jókuae nunga reta, echa jökorai yandepuere yamborɨ omoërakua vaerä añete vae.