1 Corintios 3:5 - Biblia Guarani Tumpa Iñee

⁵ Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.

Nuevo Testamento Guaraní Pe

⁵ Che mbaeti co mbae, jare Apolos mbaeti co mbae. Jaeño royeócuai ñandeYa pe, pe reta perovia vaera jese. Jare metei ñavo royapo mbaravɨquɨ ñandeYa omee oreve vae.

1 Corintios 3:5 ပူးပေါင်းရင်းမြစ်များ

San Mateo 25:15

Metei jembiokuai pe omee pandepo talento. Jare ïru jembiokuai pe omee mókoi talento. Jare ïru jembiokuai pe omee metei talento. Jökorai omee chupe reta metei ñavo pe ipuereta oyapo vae rupi. Javoi ojo ketɨ.

San Lucas 1:2

Jókuae iyɨpɨ güive jae reta etei oecha vae reta jökorai omombeu yandeve, jókuae Tumpa iñee omombeu ïru reta pe vae reta.

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

Hechos 18:24

Jókuae ara rupi ou Efeso pe metei judío Alejandría pegua Apolos jee vae. Kuae kuimbae ipoki oñemoñee, jare oikuaa kavi yae Tumpa Iñee re vae.

Hechos 19:1

Apolos Corinto pe oï ramboeve, Pablo ou oväe Efeso pe, opa yave omboapɨ tëta reta ɨvɨtɨ rupi oï vae. Jare joko pe oväe amogüe oporogüɨrovia vae reta.

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 16:12

Tamombeu peve yanderɨvɨ Apolos. Chekɨ̈reɨ yae jae ojo vaerä tëi pépɨri ïru yanderɨvɨ reta jupíe, ërei añave rupi mbaetɨ oipota ojo. Ërei ojota ko jëgua chupe yave.

1 Corintios 3:10

Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

1 Corintios 3:22

Pablo, Apolos, Cefas, ɨvɨ, tekove, mano, añave oyeapo vae jare opaete oyeapota vae, opaete pembae ko.

1 Corintios 3:7

Jáeramo omaetɨ vae ani omboɨu vae mbaeä ko, jaeño ko Tumpa temitɨ ombokuakuaa vae.

1 Corintios 9:17

Echa che ayapo yave chekɨ̈reɨ ngatu reve, jekoviata cheve; ërei ayapo yave cheäteɨ reve, ayapo tai yandeYa cheokuai ramoño.

2 Corintios 11:23

Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

2 Corintios 3:3

Echa opaete vae ipuere oikuaa kërai pe reta ko jae metei tupapire Cristo güi ore rogüeru vae rami. Pe reta ko metei tupapire Tumpa oikove vae iEspíritu pe oyekuatía vae rami, mbaetɨ ko metei tupapire tinta pe oyekuatía vae rami. Mbaetɨ ko ita ipe vae re rami, oikuatía ko pepɨa re etei.

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

2 Corintios 4:1

Jáeramo mbaetɨ orepɨtu. Echa Tumpa iporoparareko rupi omee oreve royeokuai vaerä chupe.

2 Corintios 4:5

Ore roñemoñee yave, romombeu ko Jesucristo jae ko yandeYa vae; ore ko romae oreyé perembiokuai retaño, Jesús roaɨu ramo.

2 Corintios 4:7

Jare oime rogüɨnoi mbae ikavi yae vae orerete pe, yepe tëi orerete ñaeu ramiño, oyekuaa vaerä kuae mbaepuere tuicha yae vae oime rogüɨnoi vae Tumpa imbaepuere ko, orembaeä ko.

2 Corintios 5:18

Tumpa ko oyapo opaete kuae. Jae yandembopɨakatu jae ndive Cristo rupi, jare omee yandeve ñamoërakua vaerä ïru vae reta pe yembopɨakatu regua;

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

2 Corintios 6:4

Jekuaeño roechauka ïru vae reta pe Tumpa jembiokuai ko ore vae. Mbɨaguasu rupi, tembiporara reta, mbaravete, mbɨatɨtɨ,

Efesios 3:7

Jókuae re, Tumpa cheapo jókuae mbaravɨkɨ peguarä, jae ipɨakavi rupi jare imbaepuere rupi.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 1:25

Tumpa etei cheapo jae jembiokuairä, che ayeokuai vaerä peve, jare amoërakua kavi vaerä peve opaete Tumpa iñee.

1 Timoteo 1:12

Amee yasoropai yandeYa Cristo Jesús chemomɨ̈rata vae pe, omae cheré jupi ramo cheñono iparavɨkɨ pe,

1 Pedro 4:10

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.