1 Corintios 3:23 - Biblia Guarani Tumpa Iñee

²³ Jare pe reta ko jae Cristo imbae, jare Cristo ko jae Tumpa imbae.

Nuevo Testamento Guaraní Pe

²³ Jare pe reta co jae Cristo imbae, jare Cristo co jae Tumpa imbae.

1 Corintios 3:23 ပူးပေါင်းရင်းမြစ်များ

San Mateo 17:5

Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae. Peyeapɨsaka jese.”

San Juan 17:18

Nde chembou ɨvɨ pe. Jökorai vi che amondo kuae reta opaete ɨvɨ rupi.

San Juan 17:21

Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

Romanos 14:8

Echa yaikove ramboeve, yaiko yandeYa peguarä. Jare ñamano yave, ñamano yandeYa peguarä. Jáeramo, yaikove vae ani ñamano yave, yandeYa imbae reta ko yande.

1 Corintios 11:3

Ërei aipota peikuaa kavi Cristo ko jae kuimbae iñäka, jare kuimbae jae ko kuña iñäka jare Tumpa jae ko Cristo iñäka.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Corintios 15:28

Ërei opaete mbaembae oï ma Cristo ipo pe güire, jae etei vi oñeñonota oï vaerä Tumpa jeia re. Jökorai Tumpa oï vaerä opaete re.

1 Corintios 7:22

Echa yandeYa oenɨi oyemboasauka vaerä tembiokuai yave, oyeyora ma ko yandeYa peguarä. Jaeramiño vi yandeYa oenɨi oyemboasauka vaerä tembiokuaimbae vae yave, jae oyeapo ma ko Cristo jembiokuairä.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

2 Corintios 10:7

Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

Gálatas 3:29

Pe reta Cristo imbae ko yave, Abraham iñemuña ma ko pe reta, jare pembae ko jókuae Tumpa güɨrökuavee Abraham pe vae.

Gálatas 5:24

Ërei Cristo imbae ma vae reta oikutu ma kurusu re opaete soo jemimbota reve.

Efesios 1:10

Jae ko, omboatɨ vaerä opaete mbaembae oyeapogüe Cristo ipo pe, opaete mbaembae ara pe oï vae, jare opaete ɨvɨ pe oï vae. Kuae ko oyeapota ara oväe yave.