1 Corintios 3:19 - Biblia Guarani Tumpa Iñee

¹⁹ Echa Tumpa pe arakuaa kuae ɨvɨ pegua arakuaaä ko. Echa oyekuatía oï körai: “Tumpa oipɨɨ iyarakuaa vae reta jeko pe aeño.”

Nuevo Testamento Guaraní Pe

¹⁹ Echa Tumpa oicuauca quirai aracuaa cuae ɨvɨ pegua metei mboquere co. Echa Tumpa iñee pe oyecuatía oi corai: “Tumpa omoamɨri iyaracuaa catu vae reta aracuaa jae reta güɨnoi vae re”.

1 Corintios 3:19 ပူးပေါင်းရင်းမြစ်များ

2 SAMUEL 15:31

Jare omombeu reta David pe, jei reve: —Ahitofel oï vi Absalón ndive, oyemongeta oñemopüa vaerä vae reta ndive. Jayave David jei: —CheYa Tumpa, erokomegua Ahitofel iporomboarakuaa chugüi.

2 SAMUEL 16:23

echa jókuae ara rupi, Ahitofel pe oparandu mbae re yave vae, Tumpa pe etei oparandu rami oyapo reta; jökorai Ahitofel iporomboarakuaa David pe jare Absalón pe.

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

ESTER 7:10

Jökorai oeterasa reta Amán ɨvɨra omokätɨro tëi Mardoqueo peguarä vae re. Jökorai mburuvicha guasu iyarasɨ poi.

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

SALMOS 141:10

Jupimbae reta toa iñuai pe aeño, che aja ramboeve tenonde.

ÉXODO 1:10

Añave yandearakuaa yandeyeupe ikotɨ reta, agüɨye vaerä jekuae oñemuña reta; güɨramoi oime yave ñeraro oñemoïruta yanderovaicho reta ndive oñeraro reta vaerä yande ndive, jare opata yogüɨraja yandegüi.”

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

PROVERBIOS 14:8

Kuimbae yarakuaa vae, iyarakuaa rupi oikuaa jeko, ërei ipokimbae reta, oyembotavɨ iyarakuaambae rupi aeño.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 44:25

Mbaetɨ amaeño oyembopo vaerä maratuta vae imombeúa reta omombeu vae, amombokere susere oimeta vae imombeúa reta. Yarakuaa katu vae reta iñee amboyopɨndekua oyougüi, opaete iyarakuaa katu arokomegua chugüi reta.

1 Corintios 2:6

Ërei ore roiporu ñee arakuaa pegua ipɨ̈rata ma iporogüɨrovia pe vae reta ipɨte pe. Ërei mbaetɨ roiporu arakuaa ɨvɨ pegua ani ɨvɨ pegua mburuvicha reta iyarakuaa. Echa kuae mburuvicha reta opata ko.

1 Corintios 4:6

Cherɨvɨ reta, kuae amombeu ma peve ambojaanga reve cheyé jare Apolos re, poaɨu ramo. Peyemboe vaerä kuae roechauka peve vae rupi agüɨye pepía oyekuatía oï vae güi. Agüɨye vaerä metei vaeño pembotuicha ïru vae güi.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Santiago 3:15

Echa jókuae arakuaa mbaetɨ ko ou Tumpa güi. Ɨvɨ peguaño ko, kuimbae reta iyarakuaaño ko, aña pegua ko.