1 Corintios 3:18 - Biblia Guarani Tumpa Iñee

¹⁸ Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.

Nuevo Testamento Guaraní Pe

¹⁸ Agüɨye quia toñembotavɨ. Oime yave quia oñemongueta iyaracuaa catu co aracuaa ɨvɨ pegua re vae, toicuaa mbaeti co mbae oicuaa cavi. Jocorai oicuaa yave, añetete iyaracuaa catuta co.

1 Corintios 3:18 ပူးပေါင်းရင်းမြစ်များ

PROVERBIOS 26:12

Yarakuaambae re yayeko vae jaekaviño, jókuae kuimbae yarakuaa yae omae iyé aeño vae güi.

PROVERBIOS 3:5

Eyeko yandeYa re opaete ndepɨa ndive; agüɨ ye eyeko ndearakuaa katu reño.

PROVERBIOS 3:7

Agüɨye ndearakuaa katu emae ndeyé aeño; eipoɨu yandeYa güi jare esɨrɨ ikavimbae güi.

PROVERBIOS 5:7

Añave, cheraɨ reta, peyeapɨsaka cheré, agüɨye pesɨrɨ cheñee reta güi.

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

ISAÍAS 5:21

¡Peparavete!, pe reta peyererovia pearakuaa katu ko vae, peyeupe oime penoi arakuaa katu.

JEREMÍAS 37:9

Che, peYa amombeu peve: Agüɨye peyombotavɨ pe aeño jare pere: ‘Caldeaɨgua reta jaema ko opa yogüɨraja yandegüi.’ Echa mbaetɨta ko jökorai.

JEREMÍAS 8:8

¿Kërai pa pepuere pere peyeupe: Yandearakuaa yae ko, oime ñanoi yandeYa iporookuai reta? ¡Ërei mborookuai re oporomboe vae reta güɨrova ko jókuae mborookuai reta apu pe!

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Mateo 18:4

Ërei oime yave kia oñemomichi kuae michia rami vae, jae tuichagüe yaeta araɨgua mborookuaía pe.

San Marcos 10:15

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Lucas 18:17

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

1 Corintios 15:33

Agüɨye peyavɨ. Jeko kavimbae reta ndive ñañemoïru yave, güɨrokomegua yandereko kavi.

1 Corintios 3:17

Kia nunga vae omboai Tumpa jo vae, Tumpa omboaita vi. Echa pe reta Tumpa jo oñeñono tee vae ko.

1 Corintios 4:10

Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

1 Corintios 6:9

¿Mbaetɨ pa peikuaa jupimbae vae reta ngaraa yogüɨreko Tumpa iporookuaía pe vae? Agüɨye peyavɨ. Aguasa oyapo vae reta, itumpa-raanga pota vae reta, menda re oyuvanga vae reta, kuimbae kuña jeko omomora vae reta, kuimbae oyoupii oyogüɨreko vae reta,

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Gálatas 6:7

Agüɨye peyembotavɨ. Tumpa oyeyóyai yoyaiukambae ko. Echa metei ñavo oyapogüe, jókuae ko oarɨvota.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

Santiago 1:26

Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

1 Juan 1:8

Yae yave mbaetɨ ko yandeyoa, yayembotavɨ ko yande aeño. Mbaetɨ etei ko oï yanderé añete vae.