1 Corintios 3:10 - Biblia Guarani Tumpa Iñee

¹⁰ Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

Nuevo Testamento Guaraní Pe

¹⁰ Che co jae oicatu o oyapo vae rami. Jare Tumpa omaeño cheré jae ipɨacavi jeco pegua añono vaera o iguapɨara. Jare iru vae co jae o oñono oi o iguapɨa iárambue vae rami. Erei metei ñavo toñeandu quirai oparavɨquɨ o iguapɨa iárambue.

1 Corintios 3:10 ပူးပေါင်းရင်းမြစ်များ

2 CRÓNICAS 2:12

Jei ye vi Hiram: “¡Toyemboete Israel iYa Tumpa, ara jare ɨvɨ oyapo vae, echa jae omee mburuvicha guasu David pe metei taɨ yarakuaa katu vae, oikuaa oyapo mbae jupi rupi vae, omopüa vaerä tupao guasu yandeYa pe, jare mburuvicha guasu jorä!

ÉXODO 36:4

Jayave opaete mbaravɨkɨ o mbaemboetea pegua oyapo ñogüɨnoi vae reta,

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

PROVERBIOS 9:1

Arakuaa katu oyapo jorä, omopöra chiu okɨta pe;

ECLESIASTÉS 12:9

Oñemoñee vae jeiete yarakuaa ramboeve, jeiete vi oporomboe arakuaa re. Oyemboe, oyemongeta, jare oyapo jeta ñee reta arakuaa pegua.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Lucas 11:35

Jáeramo eyeandu agüɨye vaerä nderete tembipe pegua tɨnɨe pɨtumimbi pe.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

Hechos 18:27

Jare Apolos ikɨ̈reɨ ojo Acaya pe yave, oporogüɨrovia vae reta omoäta ngatu, jare oikuatía reta metei tupapire joko pegua oporogüɨrovia vae reta pe, omboresive kavi reta vaerä Apolos. Jae ojo oväe yave joko pe, omborɨ kavi jókuae Tumpa ipɨakavi rupi oporogüɨrovia vae reta.

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Romanos 15:15

Ërei aikuatía peve cherɨvɨ reta, akɨɨyembae reve amogüe mbaembae re, pomomaendúa jese vaerä. Kuae ayapo, Tumpa ipɨakavi omee cheve vae rupi,

Romanos 15:20

Jökorai, añeñono amombeu vaerä ñee ikavi vae, mbaetɨ etei oendu Cristo regua vae rupi, agüɨye vaerä amopüa ïru vae omopüa ma vae re,

1 Corintios 3:11

Mbaetɨ kia ipuere oñono ïru o iguapɨka oñeñono ma vae güi. Jae ko Jesucristo.

1 Corintios 9:2

Ïru vae reta pe che temimondoä ko. Ërei peve reta che ko jae temimondo. Echa pe reta perovia yandeYa re vae oikuaauka che ko jae añetete temimondo.

2 Corintios 10:15

Mbaetɨ ko royembotuicha mbaravɨkɨ ambuae re. Ërei roipota okuakuaa vaerä peporogüɨrovia, royapo vaerä jeta mbaravɨkɨ pepɨte rupi, Tumpa oipota royapo vaerä vae rupi,

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

Colosenses 1:29

Kuae jeko pegua che vi aparavɨkɨ aï Tumpa pe. Täta aparavɨkɨ aï aiporara reve Cristo imbaepuere rupi, echa jae täta oparavɨkɨ oï chepɨa pe.

Colosenses 4:17

Pere Arquipo pe toñemoäta ngatu, oyapo vaerä mbaravɨkɨ yandeYa omee chupe vae.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Timoteo 4:16

Eyangareko ndeyé jare ndeporomboe re; nepɨ̈rata jese, echa jökorai reyapo yave, reasayepeta ikavimbae güi, jare oyeapɨsaka nderé vae reta.

2 Timoteo 2:15

Eñemoäta ngatu, repɨta kavi vaerä Tumpa ndive, oparavɨkɨ vae mbaetɨ mbae güi imara vaerä vae rami, eporomboe ikavi rupi ñee añete vae re.

Santiago 3:1

Cherɨvɨ reta, agüɨye peipota yae peyeapo oporomboe vae retarä. Echa peikuaa ko yande yaporomboe vae reta ñañejäauka yaeta ïru vae reta güi.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

2 Pedro 3:15

Peikuaa kërai yandeYa ipɨaguasu ko yandeve yayemboasauka vaerä. Jare kuae re yanderɨvɨ Pablo yaaɨu vae oikuatía ma peve arakuaa Tumpa omee chupe vae rupi.

Apocalipsis 21:14

Jare tëta guasu ikësea iguapɨka reta doce, jare jese oyekuatía oï Vecha kuimbae taɨrusu vae jemimondo reta jee.

Apocalipsis 21:19

Jare ikësea iguapɨka reta oñemopöra opaete ita ipöra yae vae pe. Tenondegua iguapɨka ita ipöra vae jaspe jee vae pegua; mokoía iguapɨka ita ipöra vae zafiro jee vae pegua; mboapɨa iguapɨka ita ipöra vae ágata jee vae pegua; irundɨa iguapɨa ita ipöra vae esmeralda jee vae pegua;