1 Corintios 2:8 - Biblia Guarani Tumpa Iñee

⁸ Ërei mbaetɨ metei ave ɨvɨ pegua mburuvicha reta oikuaa kuae arakuaa. Echa oikuaa reta yave mona, ngaraa tëi ko oyuka kurusu re yandeYa imboetea yae vae.

Nuevo Testamento Guaraní Pe

⁸ Erei mbaeti metei ave ɨvɨ pegua reta juvicha oicuaa cuae aracuaa. Echa mburuvicha reta oicuaa yave mona, ngaraa tei oyuca curusu re ñandeYa oñemboeteuca vae.

1 Corintios 2:8 ပူးပေါင်းရင်းမြစ်များ

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

San Juan 7:48

¿Güɨrovia ma ra jese kia nunga vae mburuvicha reta ani amogüe fariseo reta?

San Juan 8:19

Jayave judío reta jei: —¿Kia pe pa oime oï ndeRu? Jesús jei chupe reta: —Pe reta mbaetɨ chekuaa jare mbaetɨ vi peikuaa cheRu. Chekuaa yave mona, cheRu peikuaata tëi vi ko.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

1 Corintios 1:20

¿Jama pa iyarakuaa vae? ¿Jama pa mborookuai re oporomboe vae? ¿Jama pa iyoakase kuae ɨvɨ pe vae? Echa Tumpa oikuaauka kërai arakuaa kuae ɨvɨ pegua mbokereño ko.

1 Corintios 2:6

Ërei ore roiporu ñee arakuaa pegua ipɨ̈rata ma iporogüɨrovia pe vae reta ipɨte pe. Ërei mbaetɨ roiporu arakuaa ɨvɨ pegua ani ɨvɨ pegua mburuvicha reta iyarakuaa. Echa kuae mburuvicha reta opata ko.

2 Corintios 3:14

Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Efesios 4:18

echa iyemongeta oyembopɨtumimbi ma. Mbaetɨ güɨnoi reta tekove Tumpa omee vae, mbaetɨ oikuaa reta ipɨatäta ramo;

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

Santiago 2:1

Cherɨvɨ reta, perovia yandeYa Jesucristo re vae reta, agüɨye peyoparavoño pemae kavi oyoe.