1 Corintios 2:15 - Biblia Guarani Tumpa Iñee

¹⁵ Echa Espíritu Santo oiko ipɨa pe vae ipuere oikuaa kavi opaete kuae mbaembae. Ërei mbaetɨ kia ipuere oyangao vae.

Nuevo Testamento Guaraní Pe

¹⁵ Echa Espíritu Santo oico ipɨa pe vae ipuere oicuaa cavi opaete cuae mbaembae. Erei oporogüɨrovia mbae vae mbaeti ipuere oicuaa cavi oporogüɨrovia vae regua.

1 Corintios 2:15 ပူးပေါင်းရင်းမြစ်များ

2 SAMUEL 14:17

Jayave kuae nderembiokuai oäro mburuvicha guasu jei vae ikavi yaeta, echa nde metei araɨgua rami ko, reikuaa mbae ko ikavi vae jare mbae ko ikavimbae vae. ¡YandeYa Tumpa toï nde ndive!

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

ECLESIASTÉS 8:5

Mborookuai oyapo vae, ngaraa maratu oiko; jare yarakuaa vae, oikuaa kërai yave jare këraita ko oyapo vae.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Hechos 16:3

Pablo ikɨ̈reɨ güɨraja jupíe Timoteo. Jáeramo ombocircuncidauka, jokoropi judío ñogüɨnoi vae reta jeko pegua. Echa opaete vae oikuaa jae tu griego ko.

1 Corintios 14:37

Güɨramoi kia oyemongeta iyé jae ko metei ñeemombeúa ani Espíritu pegua ko vae. Jókuae nunga toikuaa kërai kuae mbaembae aikuatía peve vae yandeYa iporookuai reta ko.

1 Corintios 3:1

Cherɨvɨ reta, jáeramo mbaetɨ chepuere pomomiari Espíritu Santo ipɨa pe oiko vae reta rami. Pomomiarita ko jeigüe rupiño yogüɨreko vae reta rami, oporogüɨrovia ramo vae reta rami.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

Gálatas 6:1

Cherɨvɨ reta, oime yave kia oyepokouka mbae ikavimbae vae oyapo yave vae, pe reta peguata kavi Tumpa kotɨ vae peñono kavi peñemomichi reve. Peyeandu reve, agüɨye vaerä pe vi peyapo mbae ikavimbae vae.

Filipenses 1:10

peikuaa vaerä peiparavo ikavi vae, peiko kavi vaerä, agüɨye vaerä kia pemboeko Cristo ou ye regua;

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

1 Tesalonicenses 5:21

Pemae kavi opaete mbaembae re. Peñovatu ikavi vae.

Hebreos 5:14

ërei tembíu täta vae ko okuakuaa vae reta peguarä, oikatu ma omboyoavɨ ikavi vae ikavimbae güi vae reta peguarä.

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.