1 Corintios 2:13 - Biblia Guarani Tumpa Iñee

¹³ Kuae re oremiari, mbaetɨ roiporu kuimbae reta iyarakuaa re royemboe vae rupi. Jaeño Espíritu Santo oremboe jese vae rupi: roikuaauka ïru vae reta pe mbaembae Espíritu regua Espíritu Santo ipɨa pe oiko vae reta pe.

Nuevo Testamento Guaraní Pe

¹³ Jare ore romombeu iru vae reta pe cuae mbaembae. Erei mbaeti roiporu ñee iyaracuaa catu vae oporomboe jese vae reta. Ore roiporu ñee Espíritu Santo oremboe jese vae reta. Jae rambue roicuauca iru vae reta pe mbaembae Espíritu Santo pegua ñee Espíritu Santo oremboe jese vae reta pe.

1 Corintios 2:13 ပူးပေါင်းရင်းမြစ်များ

San Lucas 12:12

Echa Espíritu Santo ko pemboeta mbae pere vaerä jókuae ora pe.”

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

1 Corintios 1:17

Echa Cristo mbaetɨ ko chembou aporombobautisa vaerä. Jaeño chembou amoërakua vaerä ñee ikavi vae. Ërei mbaetɨ aiporu ñee arakuaa katu pegua, agüɨye vaerä amomichi Cristo omano kurusu re vae.

1 Corintios 14:2

Echa ambuae ñee reta pe imiari vae, mbaetɨ ko imiari kuimbae reta pe, imiari ko Tumpa pe. Echa mbaetɨ kia oikuaa mbae jei vae, jae imiari Espíritu Santo rupi yaikuaambae vae re.

1 Corintios 2:1

Cherɨvɨ reta, aja pépɨri amombeu vaerä peve añete vae Tumpa regua yave. Mbaetɨ chemiari peve ñee tuichagüe rupi ani arakuaa rupi.

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.

1 Corintios 2:4

jare chemiari peve ani añemoñee peve yave, mbaetɨ aiporu ñee reta arakuaa pegua, jaeño Espíritu imbaepuere rupi vae,

1 Corintios 9:11

Ore roñotɨ yave mbae Espíritu pegua ¿jeta yae pa peve roäro pegüi mbaembae penoigüe güi yave?

Efesios 5:19

Pemiari reve oyoupe salmo reta rupi, tairari reta Tumpa pegua; pepɨa pe pemboete jare petairari yandeYa pe.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

2 Pedro 1:16

Roikuaauka peve yandeYa Jesucristo imbaepuere jare kërai jae ou yeta ko vae, mbaetɨ ko roikuaauka peve arakae ndaye oyeapo katugüe. Echa roecha etei ko yandeYa imbaepuere.