1 Corintios 16:22 - Biblia Guarani Tumpa Iñee

²² Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

Nuevo Testamento Guaraní Pe

²² Oime yave quia mbaeti oaɨu ñandeYa Jesucristo vae, Tumpa toyapo icavi mbae vae chupe. ÑandeYa outa.

1 Corintios 16:22 ပူးပေါင်းရင်းမြစ်များ

CANTARES 1:7

Roaɨu vae, emombeu cheve, ¿kerupi pa remongaru nderɨmba reta? ¿Kia pe pa remombutuu, kuaraɨ ara mbɨte yave? Echa, ¿këraita pa aguataiño aiko jopa vae rami, neïru reta jɨmba reta iyɨ́vɨri rupi?

CANTARES 5:16

Iyuru, jëeasɨ yae ko. ¡Ipotaa yae ko! ¡Jökorai ko aaɨu vae, jökorai ko chembae, kuñatai reta Jerusalén pegua!

ISAÍAS 5:1

Añave, atairarita chevɨa-ïru regua, atairarita iuvarupa regua. Chevɨa-ïru güɨreko metei uvarupa ɨvɨtɨkúa re, ɨvɨ kavía pe.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Juan 14:15

Cheraɨu yave, peyapo cheporookuai reta.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 15:24

Mbaetɨ yave mona mbae ayapo ipɨte reta pe mbaetɨi kia oyapo vae, ngaraa tëi teko güɨnoi reta. Ërei jae reta oecha tëi reve chemotareɨ reta jare cheRu oremotareɨ vi.

San Juan 16:14

Jae chemboeteukata ko. Echa omboresive chegüi vae re jae pemboeta cheregua.

San Juan 8:42

Jayave Jesús jei chupe reta: —Tumpa ko jae peRu yave mona, pe reta cheraɨuta tëi ko. Echa che Tumpa güi ko ayu. Mbaetɨ ko ayu cheyeugüi aeño, jae ko chembou.

Hechos 23:14

Jayave jae reta yogüɨraja sacerdote reta itenondegua reta jare tëta guasu pegua reta itenondegua reta pe jare jei chupe reta: —Ore roe ma royepopeyu reve oreyé mbaetɨta mbae ave rou, royuka regua Pablo.

Romanos 9:3

Echa aipotaecha ayembosɨrɨ Cristo güi, metei yepopeyu oa jese vae rami, aaɨu ramo, cherɨvɨ reta. Jae ko cherëtara reta.

1 Corintios 12:3

Jáeramo aipota peikuaa: Tumpa iEspíritu rupi imiari vae, ngaraa oyepopeyu Jesús re. Jaeño Espíritu Santo rupi ipuere kia jei: “¡Jesús ko jae cheYa!”

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 6:24

Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Filipenses 4:5

Pepɨakavi toikuaa opaete vae. YandeYa ou yeta ete ma ko.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

1 Pedro 2:7

Pe perovia jese vae reta peguarä ko jae ita ikavigüe; ërei mbaetɨ güɨrovia jese vae reta pe ko: “O iyapoa reta güɨröɨro ita vae, ou opɨta o ekina iguapɨkarä.”

1 Juan 4:19

Yande yaaɨu Tumpa, echa jae räri yanderaɨu.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

Apocalipsis 22:20

Kuaekuae oikuaauka vae jei: “Añete ko, ayu yeta ma ɨmambae.” ¡Amén! ¡Eyu, cheYa Jesús!