1 Corintios 16:20 - Biblia Guarani Tumpa Iñee

²⁰ Opaete yanderɨvɨ reta omondo tamaraeme peve. Peyapo maraetei oyoupe peyovapɨte jare peyomboete reve kavi.

Nuevo Testamento Guaraní Pe

²⁰ Opaete ñanderɨvɨ reta jei peve Tumpa ndiveño pei. Maraetei peyapo oyoupe yave, peñocuava peyoaɨu reve.

1 Corintios 16:20 ပူးပေါင်းရင်းမြစ်များ

San Mateo 5:47

Jaeramiño vi maraetei peyapo peiküava reve perëtaraño yave, jókuae mbaetɨ etei ko jaekavi. Echa judiombae reta oyapo vi jökorai.

Romanos 16:16

Peyapo maraetei oyoupe peyovapɨte jare peyomboete reve kavi. Omondo tamaraeme peve opaete oporogüɨrovia Cristo re vae reta.

Romanos 16:21

Timoteo chemborɨ vae jare cherëtara Lucio, Jasón jare Sosípater omondo tamaraeme peve.

Romanos 16:23

Gayo omondo vi peve tamaraeme, aiko jo pe vae jare opaete oporogüɨrovia vae reta oyomboatɨ jo pe vae. Omondo vi peve tamaraeme Erasto, tëta guasu pegua korepoti iñovatúa. Jare yanderɨvɨ Cuarto vi.

Filipenses 4:22

Jaeramiño vi opaete oporogüɨrovia vae reta omondo peve tamaraeme. César pe oyeokuai vae reta etei vi omondo peve tamaraeme.

1 Tesalonicenses 5:26

Peyapo maraetei opaete oyoupe peyovapɨte jare peyomboete reve kavi.

Hebreos 13:24

Tamaraeme toñogüɨnoi opaete peangarekoa reta jare opaete oporogüɨrovia vae reta. Italia pegua reta vi omondo peve tamaraeme.

1 Pedro 5:14

Peyapo maraetei oyoupe peyovapɨte peyoaɨu reve kavi. Mbɨakatu toï opaete pe reta Jesucristo re peï vae ndive. ¡Amén!