1 Corintios 16:15 - Biblia Guarani Tumpa Iñee

¹⁵ Cherɨvɨ reta, peikuaa ko Estéfanas jo pegua reta räri güɨrovia Cristo re Acaya pe, jare kërai jae reta oñeñono oyeokuai vaerä ïru oporogüɨrovia vae reta pe.

Nuevo Testamento Guaraní Pe

¹⁵ Añave, cherɨvɨ reta, pe reta peicuaa quirai Estéfanas jo pegua reta rani güɨrovia Cristo re Acaya pe, jare quirai jae reta jecuaeño oparavɨquɨ tanta oyeócuai vaera iru oñeñono tee Tumpa peguara vae reta pe.

1 Corintios 16:15 ပူးပေါင်းရင်းမြစ်များ

Hechos 18:12

Ërei Galión jee vae oiko mburuvicharä ɨvɨ Acaya pe yave, judío reta oñemopüa metei rami Pablo kotɨ, jare güɨraja morojäa renda pe,

Romanos 12:13

Oporogüɨrovia vae oata mbae re vae pemborɨ. Pemboresive kavi mboupa.

Romanos 15:25

Ërei ajata räri Jerusalén pe, araja vaerä yemborɨ oporogüɨrovia vae reta pe.

Romanos 15:31

jae chereepɨ vaerä ipɨapochɨ vae reta Judea pe ñogüɨnoi vae güi, jare Jerusalén pegua oporogüɨrovia vae reta omboresive vaerä oyerovia reve kuae arajata chupe reta vae re;

Romanos 16:2

Pemboresive kavi yandeYa jee re, jupi ko körai oyapo vaerä oporogüɨrovia vae reta. Jare pemborɨ, opaño mbaembae pe, echa jae omborɨ jeta vae, jare chemborɨ vi.

Romanos 16:5

Pemee vi tamaraeme oporogüɨrovia vae reta oyemboatɨ Priscila jare Aquila jo pe vae. Pemee vi tamaraeme cherɨvɨ Epeneto pe. Jae ko jae räri güɨrovia Cristo re Acaya pe vae.

1 Corintios 1:16

Ambobautisa vi Estéfanas jo pegua reta. Ërei mbaetɨ chemaendúa ambobautisa ra ïru vae.

1 Corintios 16:1

Korepoti oyemboatɨ oporogüɨrovia vae peguarä vae peyapo Galacia pegua oporogüɨrovia vae reta ayókuai oyapo vaerä rami.

1 Corintios 16:17

Ayerovia Estéfanas jare Fortunato jare Acaico yogüeru chépɨri vae re, echa jae reta oyapo cheve ikavi vae perekovia pe,

2 Corintios 8:4

oremoñera yeyé reta romboresive vaerä jókuae oipota omee vae, jökorai ipuere vaerä omborɨ ïru oporogüɨrovia vae reta.

2 Corintios 9:1

Korepoti pemboatɨgüe oporogüɨrovia vae reta peguarä vae re, jupiä ma aikuatía jese peve vaerä,

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

Filemón 1:7

Royerovia yae jare orepɨakatu ndeporoaɨu re, echa nde cherɨvɨ rembopɨakatu oporogüɨrovia vae reta.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

1 Pedro 4:10

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.