1 Corintios 16:14 - Biblia Guarani Tumpa Iñee

¹⁴ Opaete mbae peyapo vae peyapo peporoaɨu reve.

Nuevo Testamento Guaraní Pe

¹⁴ Opaete peyapo vae peyapo peporoaɨu reve.

1 Corintios 16:14 ပူးပေါင်းရင်းမြစ်များ

San Juan 15:17

Kuae jae poyókuai vae: ¡Peyoaɨu!

Romanos 14:15

Ërei rembopɨatɨtɨ ïru oporogüɨrovia vae reu vae rupi yave, mbaetɨ ko reporoaɨu. Agüɨye nderembíu jeko pegua tokañɨtei jókuae Cristo omano jese vae.

1 Corintios 12:31

Ërei peeka mbaepuere ikavi yae vae. Tamombeu peve mbae ikavi yae ete kuae mbaembae reta güi vae.

1 Corintios 14:1

Peiko avei mboroaɨu rupi; jare peeka mbaembae Espíritu pegua, ërei pembotenonde pemoërakua vaerä mbae maratuta vae re.

1 Corintios 16:15

Cherɨvɨ reta, peikuaa ko Estéfanas jo pegua reta räri güɨrovia Cristo re Acaya pe, jare kërai jae reta oñeñono oyeokuai vaerä ïru oporogüɨrovia vae reta pe.

1 Corintios 8:1

Jókuae soo oñemee tumpa-raanga reta pe vae regua, opaete vae yaikuaa ko. Yaikuaa vae, yandemboyemboete ko, ërei mboroaɨu ñañemomɨ̈rata ko.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

1 Tesalonicenses 3:12

Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.

1 Tesalonicenses 3:6

Ërei Timoteo ou yave jokotɨ güi, omombeu oreve peporogüɨrovia jare peporoaɨu re. Jei vi oreve kërai pemaendúa avei oreré oreraɨu reve vae, jare pekɨ̈reɨ yae orereecha, ore rami.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

1 Pedro 4:8

Pembotenonde peyoaɨu yae avei vae. Echa mboroaɨu güeru jeta ñɨ̈ro mbaeyoa re.

2 Pedro 1:7

Tumpa imboete pemomɨ̈rata mbɨakavi oyoupi vae pe; mbɨakavi oyoupe vae pemomɨ̈rata mboroaɨu pe.