1 Corintios 16:13 - Biblia Guarani Tumpa Iñee

¹³ Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

Nuevo Testamento Guaraní Pe

¹³ Peñeandu, pepɨrata peporogüɨrovia re, peñemocuimbae, peñemoatangatu.

1 Corintios 16:13 ပူးပေါင်းရင်းမြစ်များ

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

1 REYES 2:2

“Opaete ɨvɨ pegua yogüɨrajaa rupi che jaema vi ajata. Eñemoäta ngatu jare eyembokuimbae.

1 CRÓNICAS 19:13

Eñemoäta ngatu, ñañoraro yaepɨ vaerä ñanerëtaguasu jare tëta guasu reta yandeYa Tumpa imbae. ¡Jare yandeYa toyapo jaekavi chupe vae!”

1 CRÓNICAS 28:10

Mase, añave yandeYa ndeparavo remopüa vaerä chupe metei o mbaemboete pegua. ¡Jáeramo, eñemoäta ngatu jare eyapo!’ ”

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

SALMOS 31:24

Peñemomɨ̈rata opaete yandeYa reño peyeko vae reta, peñemoäta ngatu pepɨa pe.

ISAÍAS 35:4

Pere okɨɨye vae reta pe: “¡Peñemoäta ngatu, agüɨye pekɨɨye! ¡Mase, ko oï peTumpa pereepɨ vaerä, oiporaraukata tovaicho reta pe, jeko reta oï rupi; Tumpa etei outa pereepɨ vaerä!”

DANIEL 10:19

jare jei cheve: ‘Agüɨye ekɨɨye, agüɨye ndepɨatɨtɨ. Tumpa jembiaɨu; ¡eñemoäta ngatu jare agüɨye eyembopɨtu!’ Chemomiari ramboeve, ayandu chetäta ye jare jae: ‘Nemiari cheya, echa chemomɨ̈rata ye ma.’

DANIEL 11:32

Mburuvicha guasu iñee-yukɨ rupi omokɨ̈reɨ morogüɨrökuavee päve omboetembae reta, ërei Tumpa kotɨ iporogüɨrovia vae reta yogüɨrekota jupi rupi jare oeka retata kërai yogüɨreko vaerä mbaemboavai pɨte rupi.

HAGEO 2:4

Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae.

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

ZACARÍAS 8:9

YandeYa Imbaepuere yae ete vae jei körai: “Peñemomɨ̈rata pe reta peendu ñee kuae ara rupi ñeemombeúa reta rupi vae, jókuae ara oyemboɨpɨ güive oñeñono o iguapɨka oñemopüa vaerä yave yandeYa Imbaepuere yae ete vae jo.

San Mateo 25:13

Jáeramo peäro avei. Echa mbaetɨ peikuaa mbae ara ani mbae ora pe, che Kuimbaerä ayeapo vae ayu yeta vae.

San Mateo 26:41

Agüɨye peke. Peyerure Tumpa pe, agüɨye vaerä peyoa. Pepɨa pe peräta ngatu, ërei perete iyakɨ.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

1 Corintios 14:20

Cherɨvɨ reta, agüɨye peyemongeta michia reta rami. Jaeño peiko michia rami ikavimbae oikuaambae rami. Ërei peyemongeta pe, okuakuaagüe oyemongeta rami.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 1:24

Mbaetɨ ko rogüɨnoi mbaepuere peporogüɨrovia re. Echa pepɨ̈rata ma peporogüɨrovia re. Jaeño roipota pomborɨ, pe reta peyerovia vaerä.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Efesios 3:16

omee vaerä peve iyemboetea tuicha yae rupi pepɨ̈rata peporogüɨrovia pe iEspíritu rupi,

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 4:1

Jáeramo, cherɨvɨ poaɨu vae reta, aipota yae poecha vae reta, ayerovia peré vae reta, cheparavɨkɨ jekovia reta, peñemomɨ̈rata avei yandeYa re.

Filipenses 4:13

Opaete chepuere ayapo Cristo re, echa jae chemomɨ̈rata.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

Colosenses 4:2

Jekuaeño peyerure avei. Peyerure avei pemee reve yasoropai Tumpa pe.

1 Tesalonicenses 3:8

Roikuaa pepɨ̈rata peporogüɨrovia pe yandeYa re ramo, oremoäta ngatu yae.

1 Tesalonicenses 5:6

Jáeramo, agüɨye yake ïru vae reta rami. Jaeño yasareko avei jare yayeandu avei ñaï.

2 Tesalonicenses 2:15

Jáeramo, cherɨvɨ reta, pepɨ̈rata peporogüɨrovia pe. Agüɨye peakañɨ peikuaa vae güi, ore etei pomboe jese vae güi ani tupapire roikuatía peve vae rupi vae güi.

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

JOSUÉ 1:18

Kia nunga vae ndeporookuai oyapombae jare mbaetɨ neñee güɨrovia opaete mbaembae rupi reporookuai yave vae, tomano. Jaeño eñemomɨ̈rata jare eñemoäta ngatu.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

Apocalipsis 16:15

YandeYa jei: “Mase, ko ayu imonda vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”

1 SAMUEL 4:9

¡Peñemoäta ngatu filisteo reta, peyembokuimbae ñeraro pe, agüɨye vaerä peyeokuai hebreo reta pe, jae reta oyeokuai peve rami! ¡Peyembokuimbae jare peñoraro!”